唔係我搬屋,而係健哥要搬屋~
今日11點半出左去,阿姨又話返左新圍先
所以去左葵芳坐58M,點知又叫我直接去碼頭...
我又唔想行出去坐車,又唔想轉車,所以叫健哥兜埋我入去
雖然係van仔,但有順風車坐就唔係再嫌3嫌4啦...
入到去1點,之後搬完野就落左樓下食野
之後直接去市中心同新墟睇傢私,睇完又返屋企度尺寸...
跟住成4點半先出左沙田= =去到沙田成6點鐘...
淨係行直家都行左成個幾鐘...攰到爆...之後8點半先返屋企
返到屋企9點半...不幸既事又發生啦...5分鐘之內跌電話2次...
1次接唔住,跌落地下,1次勉強接到,只係跌落個keyboard度
再1次證實,nokia既機係耐跌既,跌左2次都冇事,冇壞到又冇hand機
後尾計1計,買機至今,跌落地下3次,3次都冇事,hand機自動重新開機1次
hand機要拆電先得既就2次...