今日見個天咁黑,咪決定帶把遮返學囉
今日2節都係考TT...都唔明...2份都係長題目
點解要分開考?今日坐位唔同左,平時坐107
今日坐41...搞D有d陌生,唔係好慣...
考到9:45就考完第1節,全級最早
之後係HALL出面繼續溫,之後10:30開考...
TT,冇難度,哈哈,亂吹都可以1題吹到幾行...
想唔合格?幾難啦...考到12:15,同CIT 1樣
所以同利永健走,.我地走個時,只係得番讀DT既人考...
真係可憐啦...考到1:15...考完就同利永健返屋企...

今日好無奈...因為唔夠時間做...
今日考maths,溫左都係唔識...
做mc仲白痴,居然完左好多格仔
起碼有1/4未填...好想喊呀><

今日+2同利永健依然係黎我屋企溫書
不過已經冇琴日咁想溫啦...
因為溫極都唔識...

今日下午+2同利永健上黎我屋企溫書
+2點半鐘黎到,之後同佢傾左陣計
等到2點利永健黎到,等埋利永健食野
結果3個人吹水吹左好耐先溫書...哈哈~
溫書期間都有講有笑,搞下爛gap咁...
好過上次既...上學期黎既時候係完全冇溫過書
阿廷打機,1/x睇電視(唔知邊個可以問我)
而我同+2就係度傾計,結果1課都冇溫
今次算好啦,傾少左計,又唔係打機...
只係印野同搵衰銘個陣先打左陣機...衰銘原本話黎
仲叫我地唔好溫...真係1個惡魔呀
點知又唔黎...之後利永健溫到6點就走人
而+2就溫到8點先走人,5個半鐘(扣哂玩同傾計時間)
溫左2至3課書,好過冇,聽日要繼續博命...

今日終於都大考啦,好驚呀
雖然今日考既野話易唔易話難唔易啫
但都會驚架ma,真係好驚3X會...
今日考中文聆聽同綜合卷,出門口都時都冇雨
做做下卷冇啦啦行雷閃電落雨,仲落得好大tim
做完之後發覺都唔係好難,不過之後個d就...唔知啦
走個陣先知紅雨,又冇帶遮,行雷又大聲,不過唔驚,都唔知有咩好驚
結果諗住搵謝佩慈問下佢可唔可以開班房俾我地溫maths
最後既係,學校因為天氣惡劣而唔俾我地走...又係咁...
算啦,反正我都諗住係學校溫maths架啦,上左去5B度
溫左陣,李sir話走得,原本諗住唔走住,但+2叫走,咁咪走囉
但1把遮點夠3個人用...而且黃sir唔俾我地3個人用1把遮
好彩個時apple係度,+2行左過去先走到,行去出去,咪又係3個人...
不過行行下利永健又發揮佢既犧牲精神,淋雨咁行...行到去康富
+2上去拎遮,之後就繼續行返屋企,夜晚去左青衣城拎野...