最近呢排...硬係覺得自己做咩都唔得~
存在感越黎越薄弱...開始俾人遺忘...
今日牛奶閱讀堂已經早退,問佢返黎做乜,佢話拎書喎...
頭2堂bio~訓住黎過~
之後2堂英文,走左過去新翼既325上堂~個課室好正呀~
今堂唔係陸sir上,而係ms hey上...雞同鴨講...
之後2堂P.E...冇帶衫,但好似冇俾人罰跑圈...
之後lunch,阿霖話去搵陳文儀喎~咪唔撚阻住佢溝女囉..
唯有同+2佢地食囉~之後2堂budd~測驗呀~唔識呀
1隻字都冇寫過~測驗時訓過幾次,幾次都俾人拍醒...
之後入hall上週會...4點3左右先放學
之後+2叫我去青衣城陪佢買禮物喎...咁咪去囉...
去到6點半先返屋企...阿筠8點幾打黎...
傾左陣~臨收線都叫我錫啖佢先^^終於都開心番d啦^^

今日遲左出門口呀~搞到返到學校都冇時間買水~
唯有1陣小息叫人幫我買啦...頭2堂係英文
之後就係2堂chem~再之後就係2堂maths,maths頭個堂測驗
阿霖係咁抄我= =之後個堂係鬧人既...
之後lunch,阿霖原來唔想買野返學校食,但一見到陳文儀係學校食就...
返到學校之後又同+2同佢阿媽坐係度傾計...
之後就係phys~又要測驗...測番上年既熱學
唔識呀~所以訓覺,但我訓過3次,每次用唔同姿勢去訓,咁都俾sun sir知道我訓...好野!
之後2堂中文,唔掂呀~好眼訓呀~聽聽下聆聽訓著左...
結果又俾miss謝拍醒左...之後就放學,同林鴻升返屋企...

今日頭2堂係中文,做個d唔知咩測驗...
之後2堂phys~我計岩d數呀~好開心呀~
之後就2堂bio~再之後就係lunch~
落到操場見到+2阿媽,佢送左支涼茶俾我飲^^
我同阿廷返屋企食~不過佢係涌美買麵食~我買煙
之後返屋企食左2個麵~就去左後樓梯煲左個2飛煙~
佢叫我唔好煲咁多喎,咁我咪唔煲囉(事實係已經煲哂)
之後返學校,上左3堂TT就放學lu~同+2行返屋企~
佢又去左我屋企借廁所...

今日都唔知係快樂好定無奈好...自己慢慢睇落去啦...
頭2堂係maths~算啦~我同阿霖自習架啦...
之後2堂eng~再之後係2堂chem~
chem堂個時發覺唔記得帶中文書...唉~lunch返去拎啦...
lunch lu~諗住返屋企,不過返屋企前入陽光搵周嘉~
點知條仆街話冇煙= =之後諗諗下阿廷返左屋企啦...叫佢去我屋企拎咪得囉~
之後打電話俾佢,打完就同阿霖返學校食麵~
食完就坐左係度同+2傾陣間計~
lunch之後就係budd~飯氣攻心~但法師又要拍醒人喎...但之後又再訓番佢又唔理喎...
之後電話震左一陣,我就醒左,不過冇理,繼續訓~
到中文堂睇番,原來係阿筠...我終於搞清楚我同佢係咩關係同佢俾我既問題既答案啦...
中文堂個時到我出去讀野...岩岩訓醒,邊有心情讀丫,求其讀算數啦...
之後放學,係操場等+2,之後係涌美買左2飛煙,去左我屋企後樓梯煲~
我1路煲,1路「伸」我同阿筠既野...原來唔止阿霖,連佢都覺得...
煲完就去我屋企...離奇地...佢一係我屋企我就開到電腦...真係要多謝佢...
不過唔知之後有冇事...之後坐到5點幾佢就走~而我亦要帶細佬睇醫生
之後係樓下居然撞到+2,佢係度等阿廷...唔理佢啦...
之後出到去,我細佬問佢係邊個?點知個時miss謝係我前面~
佢係我身邊個時我就同我細佬講:路人甲囉...
miss遵好似聽到...望左1望...
出去MK之後,等阿媽黎,我就走啦,搭HT3601@44P返屋企~

今日舅父生日,話去葵芳飲茶
叫我去搵位,但我冇去...
結果阿公搵位...去到之後我見唔到佢地...
原來係正我前面...之後食到11點幾
食完就搭地鐵去太子買飛,買完就行去聯合廣場行街
行完就去火車站行~行完就落水渠道搭ATE@112搭銅鑼灣
之後係SOGO行,行完就其他地方行,買左隻公仔俾程程~
行完之後就搭ATR@960返屯門食飯,食完就返屋企
返到屋企...佢又send sms黎...唉~聽日先覆佢啦...