琴晚..緊張到又失眠 好驚今日會出洋相

一早起身 汁衫 返學...繼續緊張...呀 好驚呀

捱完一輪 終於到第二個小息啦 拉拉林食飯 換衫...

聖誕聯歡 開始啦WOW~~個心勁跳勁跳..真係超緊張囉

上到台 呯呯..呯呯...好彩我小學又樂團又合唱團等等...

原來上到台就唔驚嫁啦 放膽咁去做 雖然結果仍然同我想既差小小 不過我都經OK啦

好開心 因為我聽到台下既笑聲...能帶俾大家歡樂我就最開心啦

後黎玩到爆肚..臨時改野 哈...又一陣笑聲..好開心尼

終於做完...心情如釋重負(唔記得係咪咁叫)真係成個人放鬆哂 呵

坐埋位睇魔術BAND 魔術無論睇咁多次都係咁勁 佩服

BAND真係超正囉 見到MK成個人勁投入 又吊起我唱K癮...

另一件開心既事就係有人讚我把聲好聽喔 ^^

不過有開心既事 自然都有唔開心既事既...

我自問EQ極高 咁多年黎冇人可以令我真係嬲

但竟然千年道行一招喪..唉 真係超嬲 不過都控制唔係其他人面前爆

好彩得鏗鏗成哥見到我爆...爆完笑返都冇乜事...我真係好好EQ= =(自大中)

都唔知咩事 整野整左爆耐..成6點先走得

慶功宴YOYO~多謝各老師校長們慷慨解囊 共有支助一千多元

不過我地成廿人尼--

又唔知咩事 搞左勁耐先決定好去PIZZA HUT食...出香港仔啦..

途中又停下行下...真係唔知乜事...一字既之曰 膠

幾經辛苦終於去到...小 叫野食都搞成半個鐘= =

食LU...原本都唔係幾飽

跟住成哥傻到玩辣蕉油...我跟你 成哥

食完第一次 狂灌三杯野飲...嘩 原來怪獸噴火係咁既

第二次 猜書左..嗚 灌多三杯 個肚爆啦..放唔到野啦

辣到變左孖X腸....嘩...喉嚨痛到...嗚..

哈...玩到變左全埸焦點 連D侍應到一齊HIGH 哈

玩完散LU 好想去成哥個劈酒會 可惜有心無力

自從上次果果生日果次..我以經失去自由身..

痴線...8點幾返到去仲要俾人轟...一個禮拜都唔知俾人煩幾多次..

唔知距離我既夢想搬出去住仲有幾耐尼...