前日睇通天奇兵睇到3點幾 第日約左5點半...結果訓得果兩個鐘都冇

朝早果然都係我第一個起身 所以要叫醒其他人啦...

約左成哥5點半樓下等 結果一如以往都係遲到(佢...)

第一次坐592頭班車出CB 去M記食個早餐先~仲記得上次係到見到呀G.E.M.

食飽飽去坐地鐵過筲箕灣 咁岩撞到肥鏗佢地 所以就一齊去啦..

去到果到一樣係我地最早^^我好守時嫁..

等埋其他人就一齊出發..

頭一站去到懲教處對出既車站(唔記得邊樹啦)

開始TC-36既訓練 TC-36本身有行山 游水 游繩下降 單車 獨木舟等等 不過今次就只有行山同下降

不過尼兩都夠玩死我地啦 一直行行左六個鐘 再行石澗 真係好攰..

差D暈低TIM啦 好彩意志力高^^

終於行到中途休息站石澳 第一次黎 之前就聽得人多話水清沙幼

估唔到真係 始終冇依家冇垃圾既沙灘實在太少啦 大家要保護環境

去到石澳更估唔到既係人多成咁 差D行都行唔到

話咁快息已休 出發去大頭洲游繩

之前既石澗己經行到我有D抽筋 所以好怕等間游繩緊會跌落去

終於到左大頭 睇住佢地一個一個落去 就黎到自己真係好驚

話哂個懸崖跌落去係死得人

到我既時候 一開始將個身向後訓既時候真係好驚..

不過玩到一半就克服左 原來好好玩嫁^^

玩完就坐車車返家啦 半日已經攰成咁 真係唔知到時得唔得尼..

各位隊友要加油喔~