琴日7月14 中國既鬼節...估唔到發生咁大件事..

朝早開電視果陣見到馬尼拉個脅持事件 開頭見槍手都放左d老弱婦孺 相信都係個好人

之後所謂既"談判專家"黎到果陣 槍手好幾次係車門同"專家"對話

支步槍仲要係腰到 有腦既都識拉佢黎話張佢制服啦

可惜菲律賓既"警察"同"談判專家"仲有"神槍手"都係一樣咁X廢...

結果流血收埸 香港人當中有7死1傷(1傷的好似已不幸離世)

先唔講係點死 係成個過程當中 菲警試過係太平門入去 但係又雞咁腳走出黎 可見係幾無能同低能

仲有好多次神槍手其實都可以好準確咁命中槍手 不過就白白浪費機會

都唔知等咩 等運到咩...唔係同僚就唔想殺嫁..

老實講 個專家有幾次都有好大機會可以拉槍手落黎 都唔知手殘定腦殘 冇X用..

如果佢肯勇少少 就唔洗死咁多人..

不幸既8個(定唔知7個)香港人 聽聞只有4個係俾槍手殺..

咁其他4個尼...呵呵 竟然係俾柏金遜菲警射死同用鐵鎚卜死..

老實講 我覺得真係錯得好離譜 不過事件已經發生左..

希望死者可以安息 菲警可以加強訓練啦唔該..