我諗我同joanna有好耐好耐好耐無咁樣傾電話法...

琴晚我地大家都無聊到極點...對住部腦又唔知做乜...於是joanna就打比我~

我地真係乜都講得一大餐...

由『大西洋』講到『太"陽"』

由『老年』講到去『少年』

由『發惡夢』講到去『傳聖火』...超低能~

仲2點幾專登打比326, 不過佢太攰完全唔想同我地癲=.=

傾左差唔多兩個鐘先訓...

但其實好開心...真係好多年無試過咁樣...咁單純咁去傾一個電話...

really諗到乜就講乜...唔需要避忌任何野...

我諗係好好既朋友先做到~

我知道Joanna同326都好好...

我永遠都記得o係我最最最難捱既日子...係你地陪我同幫我... 

仲有仲有, 同你地一齊玩我好放心...放心到--->飲醉...haha~

因為我知你地一定會送我返屋企~唔會賴低我...

同埋joanna會唔訓覺等我打比佢...雖然我無打...haha..

同埋同埋...你地拍拖都唔會重色輕友~

對住你地先可以真正做返自己..可能讀書時既友誼先係最寶貴~

I LOVE YOU ALL~

 好難過呀.....雖然我同佢地只係點頭之交...但係都算係認識既人...

之前黎診所睇醫生都有講有笑...

突然之間離開左...真係好突然....

今日我同醫生既心情都係好鬱悶....

我醫生同佢係朋友...佢一定好難過...唉..

希望佢地既家人節哀順變...

安息!

原來琴日有流星雨....我竟然唔知道=.="

知道既話實叫人陪我睇...雖然應該無咩人陪到我架啦....

 從來都無睇過流星雨呢樣野...聽聞8月會再有..一定要去睇~

一世人點都要睇一次掛...?

好多野想做...

去bbq, 打邊爐, 睇戲, 買衫, 游水, 去澳門, 去睇搶包山...haha...

搶包山呢個難d...地點問題...真係黑人憎~

其餘o個d看似簡單...但原來要-->搵個人-->陪自己去完成...係好難架...

所以....唔該...唔好再歧視我自己一個周圍去=.="

工作照一張~

終於的起心肝...一早起身去左大澳!!

我一直想去既地方...記得前幾個月同某人說過要一齊去...

當然最後唔成事啦~haha~

10點起身...11點出門口...搭12點船去到梅窩...仲要轉巴士先到達!!

山長水遠...但都值得既~

因為風景好靚...如果天氣好d應該會更靚~

因為唔想媽咪知道所以無帶到相機...只係用電話影左d相!

o係搭船搭車既途中...仲同joanna不斷講笑

因為無人知我去...我話我死左都無人知~超搞笑~

唔識形容o個度既風景....其實就係山呀水呀咁....

有好多棚屋..同埋有好多橋o係屋同屋之間~幾特別既地方~

我聽日去大澳遠行呀~不用掛心~哈哈!!