2009 年 7 月 9 日  星期四  

今日又係炎熱既一天, 我當然唔會放過同馬心悠游水既機會啦...一早都知道呢隻美猴皇唔講得笑, 但係都無諗過原來佢係咁勁, 人仔細細, 游左幾次水之嘛(今年), 已經唔要我扶, 仲識得自己攬住個水抱游游游...最犀利係佢可以好似韻律泳咁自轉...勁

有片為証嫁...

備忘一事...

琴日當我幫完自己剪頭髮(d陰姐), 諗住幫隻美猴皇都修修啦, 點知佢同我講...

媽媽: "悠, 剪頭髮囉"

美猴皇指住個窗: "去嗰到剪啦"

媽媽: "邊到剪呀"

美猴皇再指住個窗: "媽媽, 去沙田剪頭髮啦"

吹脹...