2007 年 10 月 29 日  星期一  

自從小公主出世之后, 我除咗榮升做媽媽之外, 仲榮升做咗作曲家.

唔知點解, 每當氹小公主瞓覺, 又或者佢扭計, 都會好不其然咁亨隻歌, 我就多數用小公主個名唻做歌詞, 有時自己都唱到唔好意思, 但係我又發現唔止我一個係咁, 好似亞Jay媽, 佢都成日作歌比JayJay聽嫁, 最常聽到都係"點解你唔瞓覺....", 就連大姨媽嗰日都比我聽到佢作歌比小公主聽添...

最得意就係每當佢哋聽到呢D歌嘅時候, 佢哋又真係會笑喎, 所以再唔好意思, 為咗佢哋, 都要繼續做好呢份工啦

2007 年 10 月 29 日  星期一  

今日帶咗小公主去流浮山食咗個Lunch, 真係要讚一讚, 因為每一次帶佢出街佢都唔會扭計, 非常合作, 仲多數由頭瞓到尾添, 等我有足夠嘅時間去對付D蝦兵蟹將, 有個咁為自己著想嘅囡囡, 夫復何求呢...

為咗等小公主第時知道自己細細個就周圍遊山玩水, 我哋仲特登喺嗰道影咗張相添...大家留意吓後面有個牌寫住"流浮山"嫁

2007 年 10 月 17 日  星期三  

大家鐘唔鐘意小公主呢個新著法呢? 有冇覺得有D似...伊斯蘭教徒...

2007 年 10 月 11 日  星期四  

今朝因為四叔公要去BODY CHECK, 咁我, 小公主, 孿埋亞大姨媽, JAY媽, JAYJAY同媽子就一齊同亞麻去食早餐, 因為大家都知道再係咁脹落去唔係辦法, 所以我哋每人只係叫咗一個早餐, 而餐飲亞大姨媽就叫咗個熱好立克...

而當我差不多食完嘅時候, 媽子個米線先至到, 咁我就叫媽子比返小公主我抱, 等佢食得舒服D, 但係佢就話OK啦, 唔好抱唻抱去, 咁大姨媽就問 "會唔會滴到D湯落小公主到嫁", 咁我就話"其實我都試過滴咗滴豉油落小公主個頭" , 說時遲, 那時快, 我連個"頭"字都未收聲, 亞大姨媽就成嗒好立克噴咗出咪, 我坐佢對面, 當然就梗係成衫濕晒啦, 好彩我冇抱返小公主咋, 如果唔係...好似首歌咁"飲杯好立克, 怏高長大好"

2007 年 10 月 9 日  星期二  

今日開始返工嘞, 雖然只係返去4个半鐘, 而且冇乜嘢做, 但係就要離開小公主. 返工嗰刻真係超唔捨得, 一放工就即刻9秒9衝返屋企, 小公主就扁晒咀, 好似真係好耐冇見到我咁, 搞到我好鬼內疚...點知媽子居然話只不過係個門鐘嘈醒咗佢, 所以先扁咀咋, 但係我自己就深信係小公主知我返到唻, 所以就詐嬌囉