今日9點就起伸…10點去到壁球場…點知瑤未到…等左佢一陣….
打壁球打左一個鐘….勁開心…^^” 之後就去左圖書館睇下書…
跟住就返屋企lu…

返到屋企就食飯…食完就做補習d功課…做到差唔多3點先做完…
好攰…><之後又要溫書喎…要默書…唉…到4點就出去補習…
去到一陣就要默書…唔太難…好快默完…^^” 之後上堂…好攰…
做個篇閱讀理解…做到shot左囉..d字咁鬼細隻…唉…7點返屋企..

返到屋企就係咁睇書…睇到好鬼攰…又未食得飯住喎…
mum話要等dad拎d唔知乜返黎食…8點倒dad返到黎…
佢拎d怪物返黎!!! 圓尾鱟….古老生物…個外貌好恐怕…><
有兩隻…仲要係未死的…o my god…要食d咁既野…-0- 救命…
我睇完殘酷一叮仲未食得….去廁所睇parents搞成點…好嘔心…
隻野比parents斬左仲未死…仲要係度係咁郁…驚到我呀…即死返入房..
佢地整完…煮完…我唔多敢食囉…parents夾比我食..-0- 是是但但食左dd..
已經唔想再食…細佬又好鬼鐘意食..-0- 仲好鐘意睇隻野點比人斬…唉..
唔通我真係咁鬼細膽?! >< 喳喳淋食完飯就睇書…點知…好快就唔舒服..
個心好痛..好似比野咬咁…拿住拿住咁…就似萬箭穿心…2bad…又係咁咳…
係咁打黑次…唔通我就咁玩完..?! 好驚…唔知乜事…>< 之後就死左去訓教..

愛情金句：
任憑你再理智，一旦中了愛情的毒，也只能夠完全聽他的擺佈。

今日返學好鬼悶…冇乜野好做…咩試後活動喎…動佢個頭…
玩攤位..睇英文書展..捉棋…d活動真係好動囉…我去左library睇書..
咁又過左幾個鐘…-0- 唉…時間過得真係好快…

1點倒返到屋企…食飯…睇電視…陪下細佬傾計…之後佢同mum出左街..
2點幾3點我都出左圖書館借書…一路等瑤一路睇書…等到佢落黎…
book壁球場…點鬼知冇場…2bad…>< 佢返屋企攞波…出朗屏…

去到朗屏…又去左體育館…book左個乒乓波場打乒乓波…^^”
佢學校d男排係度練波…-0- 一路睇就一路打乒乓波…勁好笑…
成日都係度笑…5~6點…打完就去m記食左d野…跟住就落排場..
好多人係度踢波…2bad…之後等左陣…我地就開始打排球…^^”
後尾呀翠黎左..跟住芒痴痴…milk…anti…媚…都黎埋…^^”鋤d…好好玩..
呀瑤成日都夢夢地咁…勁好笑…玩到8點幾就走人lu…

返到屋企食飯...睇電視…同細佬玩左陣…跟住洗白白…之後就訓教lu..

愛情金句：
一段愛情的開始靠緣份，當緣份還未來時，要學會不沉迷思念別人。