雖然已經過左12點,但係都要同大家講聲---母親節快樂!

今次母親節,我同屋企人都冇出去行街食飯呀!因為阿MA話:「出面D野貴死咁貴,都唔抵食!」所以點都要買餸係屋企煮飯仔!

咁所以今日我地個個都乖乖地留係屋企食飯..咁係咪我地煮???咁就梗係....唔係啦!

點解??一來我地個個都好少煮野食,D手勢係點...好難估計...二來我阿MA係D唔中意人地搞佢廚房既人,平時我阿妹話煮野比佢食,佢都會話:「我唔會食架!」一係就話:「你咪整到我個廚房污JO哂呀!!」唉..我阿MA就係D咁唔浪漫既人...

所以就唯有買野送比佢啦!!但係..就係因為我阿MA係D咁唔浪漫既人(其實佢係慳家同實際D JE!@@)所以買野都唔可以買D唔等洗既野,HAND MADE既野就唔在講啦...如果買左D擺得唔用得既野,我阿MA實會話:「冇用!!」同埋「哂錢!!!」唉...又要唉啦...

於是今次我同D妹好醒,就係買樣佢想買好耐既野!係D咩??之唔係電影廣告入面,阿鄧小姐賣廣告果個揼揼鬆LO!

我阿MA試過,一路都話想買,但係一路都未買,我見佢早幾日直頭去問價錢,就知佢一定係想買啦!所以我地今次幾姊弟就夾錢買左黎送比佢!

本來諗住買完即刻番屋企呀!點知...竟然半路撞到我阿MA..本來諗住扮睇唔到,點知比佢見到我地!!終於份禮物就係呢個咁唔浪漫既時刻送左出去...=0="

我呢位咁唔浪漫既阿MA,仲要問我係咪響吉吉島買,仲問我:「做咩唔拎我張吉吉島卡買野呀??有得儲分WO!」我心諗,邊有人買禮物會問番果個人拎埋D優惠卡架...

仲要話:「我買應該會去專門店買!」我又諗:「咪又係果部機...唔通會有野送咩...=0=」

唉..真係唔知講咩好啦..不過我知我阿MA係開心既~因為我地番屋企果陣,我阿MA見到佢D朋友,就好開心話比人聽,我地送左呢個機比佢用!

同埋我知佢最開心既,其實係我地成家人坐埋一齊食飯呀!(因為依家大左,個個都有節目,唔係成日係屋企食飯呀!)

希望佢以後健健康康,可以比我地照顧佢永遠永遠呀~^_^

PS:過左12點既今日,係我既減肥網友仔CHING YI既生日呀!大家都同佢講聲生日快樂啦~