其實無論做咩都好,「堅持」呢兩個字真係好緊要,因為如果做野果陣冇左堅持,係未有結果之前就放棄左,一來前功盡廢,二來咩成果都冇,真係哂時間哂心機...
我減左25磅,靠既其實真係堅持..(PS:大家睇番上幾篇,就知我平時係幾多野食,同埋幾咁大食...= ="")如果唔係,我依家仲係果個成140幾磅既肥妹,唔會著到靚衫,唔會比人讚..(下刪N百個理由..=0=)
同樣地,我發現左原來我最近都堅持做左一樣野,令到佢變左做一個習慣...就係...每晚都會查蘆薈JEL!!
大家會唔會好奇怪,查蘆薈JEL咁小事都要堅持???冇錯!!對我呢個超級懶人黎講,查野係塊面既工序,基本上我係懶得就懶呀!但係隨住年紀增長,我好明白護膚係越早就越好,因為年紀再大D先黎護,到時已經唔可以KEEP番廿幾歲既膚質!!
所以依家我無論幾懶整塊面都好,我都要自己每晚都查D野上面!(PS:以前我係會比藉口自己,話好夜啦~好眼訓啦咁樣,就咩都唔整就訓架啦!!不過依家我唔可以比藉口自己,因為咁樣只會令我咩成果都冇!!! )
由開頭堅持做,到依家習慣左,如果唔查野訓,我會覺得差左D野呀...所以就算我好夜訓,有時會有暗瘡走出黎,我查番D JEL係面度,已經好快冇左LU! 亦都係因為咁,各位朋友都留意到我既皮膚比以前好左少少!!^0^
又再一次證明,不論係減肥定護膚,堅持去習慣做一個模式係好緊要架!如果一路幫自己搵藉口去唔做,咁做唔到都係理所當然,因為...我地根本冇盡力去做呀!
各位唔習慣減肥/護膚既朋友,由今日開始就堅持做一個正確既舉動,咁就實會成功呀~加油~
| 
)想黎搵我幫手或者探我都得呀!^^PS:其實仲有其他分店呀~大家mail再問我!!^^)
