早兩日見有時間,我終於都走左去整頭髮!!

其實我都唔係咁多時間可以坐定定整個頭,只係因為我D頭髮早幾個月剪完之後,又長左勁多!!D頭髮仲要係多到FEEL到有重量架!!

點為之有重量??就係紮起頭髮果陣,我係FEEL到前面D頭髮係有扯住扯住既感覺,真係超重LO!!!所以我真係頂唔順要搞下個頭!!!

另外,因為我都好耐冇電過個頭,所以今次一次過洗電剪吹先得!!!><

其實我諗左好耐,唔知電直定電鬈好!因為呢兩年都係電鬈,覺得冇電直咁易打理,所以其實都想電番直D頭髮!

但係問題係....我電直個樣真係細個好多!如果我唔洗番工既就冇所謂,但係因為要做野既關係,我個樣真係唔可以咁細個!!所以...麻煩D都要電鬈啦~~~

我由6:30PM左右開始電,電到成11點幾先走得!!雖然時間耐D,不過都電得幾靚呀!^_^

比大家睇下我電左既成果!!

我覺得佢幫我電得幾好呀!我好中意呀!^_^

小插曲:係電髮之前,我因為有野要做,番左公司一陣,GIGI見到我著呢件紅色衫,佢就講左句:「WA~WINNIE你好勁WO!瘦左運橫間衫!!」

哈哈~其實我著果陣都有猶豫呀!不過見件衫咁靚,最後都有著出黎!大家仲讚我比起之前再瘦左呀!^^

聽日又要見我既中學阿SIR&同學!要早D訓先得~~^0^