今日包包約左佢兩個朋友仔番黎度身,想睇下佢地減成點,所以就叫左我番去開門比佢地!!

不過包包因為想同我傾計,所以臨時先叫我搭火車,所以我又拿拿聲轉搭另一架巴士去火車站~~

其實都好耐冇同包包好好地傾計啦~開頭幫佢減肥果陣,佢都仲係個差唔多考AL既學生,所以成日都會見到面!不過最近佢都忙緊入學既事,所以都好難見到面同傾計!

今日搭車都同佢傾左好多野,佢講番幫爸爸減肥,依家減左一吋肚腩呀!仲要佢爸爸都好中意用產品!^_^仲有佢阿姨用左產品之後,覺得精神好左!!而包包黎緊想比埋佢婆婆用產品,希望佢婆婆唔洗因為關節退化既問題而令到行路咁辛苦!

其實包包諗左好多野係幫屋企人健康呀!我知佢好有心想屋企人既健康好D,希望由佢一個減肥既朋友,可以因為佢識到呢隻產品,就將呢個健康既產品帶比佢身邊既屋企人,令到更加多既人唔洗因為身體既病痛而咁辛苦呀!

番到公司之後,首先就係見到CHERRY!不過因為CHERRY岩岩過左生日,食左好多野呀!!所以肥左少少!!不過佢應承左我,黎緊點都會比心機減,就算包包黎緊果個星期唔得閒幫佢度身,佢都會番黎搵我,等我睇下佢有冇瘦到呀!^0^

CHERRY你乖乖地減,一定可以好似開頭咁減得咁勁架~~~加油!!><

跟住我地傾左一陣計,就到另一個朋友仔阿KIM黎左度身!阿KIM又係未夠盡力,所以減得未好理想!!大家要努力呀!!唔好唔記得當初想減既原因係咩呀!!同埋你地一開頭減果陣,都係減脂肪減得超多架!!唔好有頭威冇尾勢先得呀!!!><

我地跟住又傾左好耐計,因為晏D我既另一個減肥網友仔CHING YI會番黎公司,所以佢地諗住睇埋CHING YI減成點!(PS:佢地都只係想睇下CHING YI有冇肥到JE~~~=0=")

好彩CHING YI冇肥到,冇拆我招牌JA!!亦都比左個鼓勵兩位,要你地努力D減先得呀!>0<

CHING YI今日番公司,其實係EVAN叫架!因為CHING YI係減肥比賽減左22磅!(PS:大家有睇減肥比賽既BLOG,就知CHING YI減得好勁,仲拎到獎架~^0^)所以黎緊公司會有個嘉許既會,到時CHING YI會上台比人嘉許呀!

所以CHING YI要番黎補影番張減左22磅之後既相,同埋拎番果日大會既票!(今次佢有兩張免費既票,佢叫左MAMA睇佢果日既減肥成果呀!^_^)

大家係咪好想玩減肥比賽呢??黎緊新一屆又開始接受報名呀!!暫時知道係7/9就會開始!!(PS:CHING YI佢地話要再玩,要再減落去!!!詳情遲D再同大家講!^0^

後記:CHING YI,知道你最近唔開心!不過希望你快D冇事啦~~好似BARBARA咁講,開心又係咁過,唔開心又係咁過,所以我地都想你好似開頭識你咁,見到你日日都咁開心呀!同埋好多事都唔到我地控制,可以控制到既,就係我地既心態!

我係工作上都遇過唔少高低起跌,所以都訓練左自己既EQ高番好多!!我都過度得到,相信呢D咁少既難關唔會難到你架~你要加油呀!><