有唔止一個朋友同我講過,話覺得我幫人減肥既工作,同埋番到公司既環境都令人好開心!

一來可能幫到人減肥,我自己都開心!加上減緊肥既本人又瘦左,咁佢地就一定係加倍咁開心呀!^_^

二來公司既大氣氛真係好好,大家都好開心同好正面,我次次番到公司都可以接收到好多正能量,笑既機會仲多好多TIM!

我記得CHERRY同我講過,話佢依家真係好中意同我地一齊,因為佢覺得番黎公司係佢一個星期入面最開心既一日!所以佢好期待每一次既減肥比賽,因為好想可以一大班人聚埋一齊!

同埋我叫佢去哈囉喂PARTY果陣,佢都話好想多D同我地一齊玩!因為佢最近多數既時間都係番學同番PART TIME,都冇咩時間出去玩!所以包包一叫佢去PARTY果陣,佢就好開心咁打左電話比我,話我知佢都一齊去玩呀~~~

除左CHERRY,咁岩得咁橋,我既朋友仔又係同我講類似既一番說話!因為我既朋友仔同CHERRY一樣,又係因為出左黎做野,覺得個圈子同自己唔係好夾,所以做得都好唔開心...

當我一話佢知有PARTY去果陣,佢就好開心咁話想去,仲約埋其他既中學同學一齊去玩!!

尋日同佢傾左一陣MSN,知道原來佢最近都唔係好開心...希望黎緊多D機會同你傾下計,同埋黎緊有活動我都會多D叫你出去玩架~~等你同我一齊咁開心!!

我發覺...原來我既開心真係可以感染埋身邊既人架!希望用我小小既力量,除左幫到人減肥同健康之外,仲可以連繫各位減肥既朋友,做你地識朋友仔既橋樑,可以帶比大家更多開心既時刻!(好似MAGGIE同CHERRY佢地,本身都唔識架~依家大家都FD左LU!^_^)

PS後記:依家哈囉喂計埋我在內,已經有8個我既朋友仔+減肥朋友仔LU!!依家仲可以玩架~~大家想玩就話我知啦~~~^0^