減肥比賽又走到中段啦~各位朋友仔,你地盡哂力未呢?

今次其實唔算好滿意...因為有幾個朋友仔都肥左!(睇黎都食左好多野...=V=""")

其實好想同佢地做番D檢討架..因為肥唔會係尋日食多左,今日就肥!一定係一個星期入面食左既野,儲埋儲埋好多,咁先會肥左架!><

我真係唔想佢地哂錢哂時間!我係一定要佢地認真同有效果架!!!但係佢地今日好快黎到,又好快走左!所以我都唔可以同佢地傾太多野....唯有聽日打番電話,提佢地寫低食左D咩比我睇番啦~><

不過好意外地,其中一位參賽者,同樣食左好多野既CHING YI(尋日仲話我知佢打左兩次邊爐!!)不過....佢都有瘦到WO!!

真係好感動呀~~因為佢係唯一一個有成績比番我睇,真係瘦番落黎既朋友!仲要今日同佢度身,佢度度都起碼瘦一至兩吋架!!!^0^

希望佢既成績,可以鼓勵番一班未盡哂全力既朋友仔去努力減埋佢啦~^_^

除左幾位減肥比賽既朋友仔,仲有我另一位減肥朋友仔CELINE都番左黎磅重!

因為上次佢隔左好耐先黎搵我度身,所以連少少都瘦唔到!(PS:大家睇番之前我講果篇就知架啦...佢D正餐真係...日日豐富...=V=""")

所以我今次要佢個個星期都黎搵我,務必要佢一定瘦到!!

不過好神奇WO!多D比我度身同跟進,佢又真係會減得好好多!依家一個星期就減左1KG!即係成2磅幾呀!!

因為CELINE真係有照住我叫佢做既野去做,又寫番哂食左D咩比我睇,等我可以跟進到佢既進度!!^_^

同埋今日好多謝DISNEY!因為佢幫我同CELINE分享左好多食野上既心得!(PS:因為DISNEY見佢用本咁靚既簿黎寫餐單,所以好奇想睇佢食左D咩!不過睇完之後....=V=""")

我相信CELINE都學到唔少野番去啦~黎緊你實會減得好過今日既~^0^

PS:有樣野都幾開心~除左有兩位都瘦到之外,DISNEY都問CELINE,點解我地係網上面識,但係CELINE係外國讀完書,都真係會番黎搵我呢?

佢話:「因為WINNIE真係瘦左好多呀~同埋我覺得佢唔似會呃我LO!加上都聽過公司既野,都知公司D產品幾好!」~

哈哈~我淨係留意到前面果兩句WO~~搞到我好開心架~多謝你咁信我呀~抵我留到咁夜,等埋你度完身先走既~~XDDDD下個星期繼續睇你減成點架~你要比成績我睇!^0^