最近成日都要番公司,一係就見D減肥既網友仔,一係就要開會或者參與減肥比賽!所以成日都唔得閒打BLOG,搞到D BLOG隔日先出一篇TIM..真係唔好意思啦~

依家得閒番少少,所以拿拿聲要出番篇BLOG先~~

今日其實都係要番公司!不過開完會之後,我又要拿拿聲去食飯,之後又要見幾個網友仔!

今日第一個見既係阿儀!佢今次繼續好叻女呀~~上次減左4磅,今次又減左2磅!仲要大部分都係脂肪!真係好勁WO!!

阿儀仲好認真咁寫左餐單,我睇左之後,覺得都OK!因為多數都係正餐,雖然都有零食,不過佢都好識控制,冇狂食!所以難怪減得咁好呀!^_^

見完阿儀之後,跟住就又見我另一個早幾日先識既網友仔阿妍!

阿妍聽完我地既講解之後,其實佢好想即刻開始!不過因為佢今次冇帶到錢黎,所以唔可以即刻開始減!(放心~~我唔會因為咁就落閘放狗唔比佢走既~~)都唔緊要啦~佢就話黎緊既星期二會再黎搵我,到時就可以開始個減肥大計啦~^0^

跟住又到下一位啦~(好似輪街症咁既~XDDD)就係我之前識既網友仔希婷!

其實我地之前有段時間,因為希婷唔見左個電話,所以我地失去左聯絡!不過呢兩日佢又打番比我,又想再次開始佢既減肥大計!

希婷係諗住黎買野架~不過...佢竟然冇帶錢就出左黎...(咁...真係唔知點幫你WO...=0=""")所以佢又係星期二黎搵我WO見完希婷之後,本來我仲要見埋CELINE先走呀~不過因為CELINE好晏先出黎,而我之後又仲有野要做,所以就叫佢星期二先黎搵我呀!!

仲有~~~尋晚除左約左阿妍,仲有一個網友仔話想黎搵我呀~~本來應該係今日見,不過因為佢今日唔得閒,所以又係延期左去星期二!!!!(死啦...好似好多人係星期二WO....星期二係減肥比賽,加埋本身玩減肥比賽果D...真係...)

唔理咁多啦~到時先算啦~=V="

後記:本來今日應該係同我既中學同學出去玩,不過因為我唔舒服...所以做完野之後真係要番屋企休息啦...陪唔到佢地一齊玩~><希望下星期可以約番出黎食飯啦~

不過...睇黎下個星期都會好忙.....要再諗時間啦....= ="""