見到你地既留言同關心,真係好多謝你地!

其實依家可以分享番出黎,就證明我已經冇咩事啦~只係尋日有D事發生左,比我知道左一D消息,令到我又鈎起左D唔開心既事,所以先有感而發打番出黎JE!

發生左呢件事都差唔多一個月,其實有D人(包括我既屋企人),唔知係咪發覺我有D唔開心,又或者好攰咁,所以都問我有冇咩事..但係我都係答佢地:「冇呀~做野攰/天氣凍左唔係好舒服!」

因為..我怕一講起呢個話題,我會忍唔住喊出黎..因為我果一刻根本未放得低,再講我真係會失控..

我唔中意係人地面前喊,亦都唔想人地擔心我,所以我會選擇唔講..

依家諗番起,都覺得當時係好大壓力,因為當時岩岩轉換左新既工作環境,係度適應緊,加上又有其他問題要我處理,再加埋呢個問題,其實係好想搵人傾下..

不過最終都唔知搵邊個講好..所以都係自己吞哂所有壓力落肚..

其實處理呢個問題果陣,我果段時間真係訓得唔好,又或者有時會訓唔著!個過程真係好似人地戒毒咁,要忘記果種痛同依賴..

但係我都同自己講,捱過左又係晴天!

同埋好多謝我身邊既朋友,大家都同我講:「你依家瘦左靚左,個人既經歷又成長左,你值得可以搵一個更加好既人!」我諗就係大家既支持,同埋各位都咁正面同開心,令我好努力咁捱過左呢個難關!

所以依家已經冇問題啦~我可以繼續過我自己既人生!

依家講完之後,我都唔會再講呢個話題啦~因為暫時黎緊既感情生活都會係空白!我黎緊做得最多既,就係番公司幫人減肥同健康!仲有就係有時間就同屋企人或者朋友出街!

希望唔會悶親大家啦~^_^