有時會聽到有D人話:我減唔到肥呀!

呢句說話我都聽過不下數百次~不過因為一來我自己已經減肥成功,二來我地人都係動物既一種,圁會有人係瘦唔到?如果掉你係荒山一個月,應該肥豬都變排骨啦~所以呢個世界係冇唔瘦體質,關鍵只係睇下你用咩方法去減,有冇配合到日常生活習慣,同埋最緊要既一樣野,就係你想瘦既意念有幾強!

方法如日常生活呢D,我之前都講過好多啦~大家如果一路都有睇我個BLOG既,我都會有提少少!(詳細就再ADD我MSN問我啦~)所以今日我係想講意志呢樣野!

其實有人研究過(我都係睇有本書講架...係D唔知咩專家定得獎科學家講架~),我地人既腦電波其實係會對我地既生活有影響,如果我地既想法係正面,好多時吸引到既野都係正面既事情!但係如果我地負面,果日吸番黎既野,通常都係負面既事!

簡單D講,好似我減肥果陣,我有好強既意志係一定要瘦!!(因為果陣我係學生,要用自己D PART TIME錢減架~~幾鬼心痛!!!仲唔拿拿臨減左佢咩?!)

加上為左擺脫十幾年肥妹仔既稱號,仲有D肥人先會著既衫,我真係無論如何都要自己瘦!!所以一路我都減得非常之好!!

其實依家諗番...都減左差唔多成30磅WO!!(想知我減成點就自己再睇番啦~http://blog.qooza.hk/beautywin88?eid=18607804&mute)諗諗下都真係幾多架WO...點解果陣會咁堅持呢??真係唔明果度力係響邊度黎!因為依家睇番,就好似你好用力跑完十公里馬拉松,之後拎到獎之後,就唔知自己點解可以用盡力氣去完成佢!!

所以想減肥成功,千祈唔好成日淨係諗住...我實唔得啦~我實減唔到啦..等等呢D咁負面既野,因為呢D說話真係會令到自己既動力減低,再過多一段時間(可能都唔洗好耐...),就會謝左!!

有問題就積極D搵方法解決~唔好一遇到問題就諗放棄!咁就好快減到架啦~^0^

我依家離減30磅呢個目標,都差唔多完成啦~(PS:其實我日日都仲係食好多野..我諗大家如果見到,都唔會覺得我係減緊肥....=V="")雖然我依家係慢慢黎,不過都依然有瘦到!!所以我黎緊可以著到更加多既靚衫啦~~~

大家想好似我咁瘦??除左我之前講既野,好簡單~搵個減肥減得好既人同你洗下個腦就得架啦~XDD(千祈唔好搵D減肥失敗既人傾呀~實會玩死自己...=V=")