其實我覺得,自從最近全職咁幫人減肥同健康之後,自己既EQ真係高左好多!

因為要見既人多左,要包容既人同事同都多左,所以都覺得自己既EQ真係唔同哂~(PS:其實我本身都唔係好易發脾氣既人!UM...應該咁講...識我既人都知我冇咩脾氣,所以可以令我發哂脾氣又火滾既,果件應該係大件事!!)

最近對住D新世代既朋友比較多(PS:我其實同佢地爭幾年架JA~~咪睇到我咁大個呀!!我最多係做大姐姐既角色~~~=V="""),所以包容力一定要強,要接受有D朋友會減得懶散,又或者冇咩目標感要向前行!!

咁當然,有D朋友仔雖然係細個,不過都好乖,好聽話,好肯受教,我教佢點減,佢就真係照住減,所以都好快有效果!!(好似阿儀就係一個好例子!!我成日都用佢認真寫餐單,同埋十日唔夠就減左4磅黎鼓勵其他朋友架~~~)

如果對住出面既朋友仔,我都仲可以客忍多D...不過如果係屋企人,真係會比佢激死...

因為係屋企人,會想佢好,好多時真係要肉緊D同佢講!!但係...真係唔知佢到反叛期定係點,成日都要同屋企人作對,又唔肯受教又冇禮貌!!

依家D新世代係咪真係咁唔捱得既呢??比人話幾句就要起哂「降」咁,又唔肯認錯,亦都唔肯去改!!小小野就話要死..咁仲點出黎呢個世界度生活???

唉...本來佢今日生日,都唔想話佢,點知係都要比人開斎先心息...(依家仲發緊脾4!!!= ="")

真係希望佢既EQ可以隨住佢既年紀一齊提升下啦...