好耐冇講我係營養店既生活啦~~其實依家都係努力緊!!遲下應該都會講番多少少!!

今日我就冇係大埔店呀!因為黎緊呢幾個星期,我會有幾日去左其他區既營養店度做交流!而今日既第一站就係灣仔!

之前有睇我個BLOG都知,灣仔係今個月先開張既營養店!所以係佢地開張果日,我都有去睇過佢地間鋪!

其實佢地間鋪好整齊,感覺好舒服,所以我係鋪頭都STAY得好舒服!仲要佢地鋪頭有得上網呀~我仲可以係得閒果陣,做下上網既工作!(PS:最衰我唔記得影相呀..唔係就可以比大家睇下個環境!!><)

不過佢地始終都係新開張,所以一定冇大埔店咁忙!不過見佢地都好有心機照顧D客,同埋都好想幫到D客健康!所以希望黎緊佢地可以將健康既資訊帶入呢個社區啦~

去完灣仔之後,我地今晚有個營養俱樂部既聯歡晚會,所以今晚就出左去同大家食飯呀!

我地全港有過百間既營養店,今次係我地其中20幾間開聯歡晚宴!今晚都好盛大呀~有成30幾圍!大部分都係營養店既客戶!

難得咁盛大既場面,我就梗係執靚左自己啦~~比D相大家睇下先得~~(PS:其實都影左D相架~不過有D唔知係邊個既相機~暫時淨係收到少少比大家睇!!)

呢個係ANNA既仔仔~佢都有PART TIME幫緊人減肥同健康呀!

呢幾個都係ANNA既客,有D已經跟佢用左好幾年,仲改善左D健康既問題TIM!

其實仲有相架~不過都冇我個大頭,所以冇放出黎比大家睇~XDD

今次我地成圍都係ANNA既客黎架~我地有D用左冇幾耐,有D就好似我咁,都用左幾年,當一個健康補充,又或者係健康早餐咁食!依家ANNA同佢地已經係朋友咁樣!尤其係其中一位鄭生,佢改善左個腸道問題,又減左磅,所以佢真係好中意產品架~不過佢係住響美國,所以每次番黎香港都一定會搵ANNA食飯架~

我都希望黎緊可以有更多自己既客戶,幫到佢地用到自己既效果,從而令大家變成好朋友!

咁係咪..下一年我要自己同D朋友坐一圍呢??