好耐冇分享我係營養店既生活啦~其實有好多野發生既~只係有趣既事太多,而我既時間太少...所以都打唔哂比大家知!

不過唔緊要!今日就有個好好玩既活動要同大家分享呀!^0^

係咩活動??就係我地大埔同粉嶺幾間營養店聯合搞左個PARTY,係集減肥比賽加許+大食會+生日會+提早倒數!!

其實今次個活動唔係響我地既鋪頭度搞呀!而係響我地大埔另一間營養店果度開!因為呢個營養店真係做得好出色呀!所以就由細鋪搬左去大鋪!!佢地其實仲未開張架!不過就提早響新鋪搞左呢個活動先!

佢地間鋪都好大呀~成700幾呎,仲要裝修得好靚好舒服呀!

佢地個水吧既顏色好SHARP好靚!

哈哈~掛住影野食TIM!不過D野食未到齊呀~到齊果陣真係放都放唔哂!同埋..我都掛住食冇影到相啦~~所以大家冇福睇唔到啦~

我地到齊人之後,就開始狂食野啦!!咁次真係好多野食呀~大部分都係我地自己整既!(不過我果個唔係LO~~因為真係冇時間整...同埋我都唔係好識整,費事食死人啦...=V=""")

經過一輪狂風掃落葉之後,我地就開始做番個減肥比賽既嘉許啦!!

而我既崗位就係負責拎D禮物出黎!所以都真係好替各位減到肥既朋友開心呀!!

今次減肥比賽減得最好果個..係一個男仔黎架!之前都聽過佢分享自己既減肥成果,不過今日先睇到佢減肥前張相,同埋確實知道佢減左幾多磅呀!!原來佢減左成50幾磅架啦!!真係超超超勁!!(最衰冇同佢影相呀...如果唔係就可以比大家睇!!真係蝕哂!!下次同佢影番先得!!)

我地仲為佢做左個好好既「嘉勉」!就係....買左支權杖同披肩比佢,等佢做下MS HONG KONG!!(果下笑到我地標哂眼水!!)

咁當然唔止咁少啦~我地仲有隻對心臟同血管健康好好,亦都係公司最貴果隻產品---NITEWORKS送番比佢做禮物!!^0^

除左減肥比賽既嘉許,我地仲嘉許左一班健康大使,就係一D用產品用得好好既朋友仔!(我地鋪頭都有架~^0^)

同埋除左嘉許...咁就梗係唔少得交換禮物啦!!

呢度係其中一部分既禮物!

至於我換到D咩??之唔係.......

係我諗住買好耐既USB手指呀~估唔到可以抽得中!黎緊可以用佢黎SAVE好多野比大家睇啦~XDDD

呢排食左勁多野啦~(PS:我真係由冬至前食大餐食到依家!!!)黎緊我要斋介下先得啦....希望唔好再食咁多野啦...=V="""