其實一講再減肥,好多朋友既反應都係話:下...你都仲要減?!

哈哈~點解我都要減??其實我唔係真係瘦到冇得減架...只係一來我都有D「手尾」仲未斷尾,二來新年又真係食多左好多野,局部肥左係D我唔想見到既位置上面!!

再加上係之前講既原因..就係一定要係兩個月內減完,之後要去影沙瀧呀!!所以真係唔減到最靚都唔得~><"""

不過...唔知係咪因為有呢D咁清晰既目標,所以真係覺得自己減起上黎係冇咁辛苦!因為我唔係特登忍住唔食野,而係真係會好SMART咁揀野食,同埋唔想食左落肚既野會影響到自己既計劃,所以真係會揀黎食,但係又唔會比自己餓WO!

尤其係依家做左人地既顧問,幫人地減到咁多,自己就梗係會好清楚自己既狀況,同埋點幫自己減係最好啦~~XDDD所以應該會好快成功既!!^0^

除左身型上既目標,自己係工作上都SET左D目標比自己!不過....每當係好著緊工作果陣...我就一定會比好多壓力自己...我覺得反而係咁,我仲更加冇胃口食野...

每次一認真做一樣野/對待一件事,我就真係會比足心機去做,仲會比自己好大壓力要做得好...如果一路都唔放鬆,我就實會唔係幾食得到野,又會訓得唔好呀...(因為個腦真係會不斷諗住點樣做到最好!!!><)

我都唔想係因為咁而瘦..因為咁樣一定瘦得唔好睇!!我既格言係要一路食一路KEEP FIT架嘛!!所以一定要瘦得黎係身型好睇,仲要係開心既,咁我先收貨呀!!

希望可以陪大家係夏天前瘦得靚靚,一齊著最少布既衫出街啦~