呢一屆既減肥比賽就快完啦...話咁快又黎到差唔多最尾既時間...真係有d唔捨得呀!!

不過好開心既,係見到好多朋友仔係呢個減肥比賽入面,真係瘦左好多呀!^_^

尤其係我既朋友仔阿wing,係呢個比賽入面真係瘦左好多!連佢d朋友都覺得佢瘦左呀!

同埋每一堂大家都學到好多關於減肥同健康既資訊,真係好希望呢d知識可以幫到佢地減得更加好!!(ps:大家睇番上一篇,見個個玩減肥比賽既都瘦左,就知減肥比賽真係好work架~~~)

黎緊最後一堂,除左會知道邊個係冠軍,我地仲會搞個一人一菜+復活節既party!我地到時每個人都會整一個菜,同埋會扮兔仔一齊去玩呀!!(歡迎各位想睇下減肥比賽係d咩既朋友仔一齊黎玩呀~)

ps:講少少其他野!呢兩日都收到大家既好消息,話我知佢地瘦左呀~好似網友仔阿敏同阿雯啦~仲有tammy啦~同埋我其他既一d減肥朋友仔!!最緊要係...連我男朋友都話自己瘦左好多呀!^0^

佢話依家佢套制服已經換細左一個碼(ps:果陣佢著既制服係同人地唔同架..因為...冇佢個size..=="),同埋自己照鏡果陣,都覺得自己瘦左好多呀!!真係好想佢快d減到自己既理想身型,到時中意著咩衫都得!^_^

聽日阿婧會同佢同學仔黎搵我呀..仲有hailly同佢媽咪...因為聽日我地有個講座係教佢地點樣減得好d!而重點係..我岩岩收到公司既電話..佢地想搵我做分享呀!!

真係好榮幸!!不過好緊張呀..未試過係咁多人面前講自己既減肥事wo@@""希望聽日成功啦~><