經過左咁多個月,星期四呢一屆既減肥比賽終於都畢~~~業~~~~啦~~~~~

其實回顧番咁多個星期既減肥比賽,我真係覺得呢一屆既參賽者好叻呀!!點解??因為呢一屆既減肥比賽經歷左好多既節日,好似係聖誕呀~新年呀~仲有其他既假期!令到呢屆減肥比賽既同學仔,一來比賽既時間長左,二來假期多左果陣,食物既吸引力又大左呀!!

不過...呢班同學仔真係好叻呀~唔單止冇比呢d節日影響到,仲個個都有瘦到tim!真係好替佢地開心呀!!

尤其係我既減肥朋友仔阿wing,其實佢本身真係唔係好肥呀...不過透過呢個減肥比賽,佢唔單止減到磅,仲學多左好多減肥上同健康上既知識!真係希望呢個減肥比賽唔單止幫到佢,仲希望阿wing可以將佢學到既野教番身邊既朋友同屋企人,等佢地都一樣咁健康同咁fit!!

講番今日個畢業禮先~~今日我地係一人一菜+頒獎禮呀~~講到係一人一菜,我地為左健康,所以就每人都整左一個菜式,之後就夾埋一齊開大食會!!

不過係食野之前,我地既總監joey真係好好呀~佢拜託左我地工作人員買左d化妝品番黎,幫我地化妝(ps:係要化到好似兔仔咁呀~因為復活節就到啦嘛~~~^0^)

不過由於我個妝有d恐怖既關係..所以我係冇幫到自己影相既...=v="""

食野既過程就唔多講啦~淨係想講一個重點..就係我地鋪頭既其中一個參賽者ceci,佢係我地全場減脂肪比率最多既參賽者!!

其實真係估佢唔到架..因為佢既磅數唔係減左好多,但係脂肪就跌左好多呀!!所以佢自己都勁suprise!!

今次佢拎到勁多產品做獎品呀...總值超過$1500!!真係勁開心~~~^0^

至於我地既冠軍..就係呢幾次不斷咁有落磅既阿鳳!!佢好勁呀~~係呢個比賽入面減左20磅!!!

阿鳳其實只係一個普通既家庭主婦!不過因為佢好配合佢自己顧問教佢點減,同埋好乖咁跟住做,所以就減到咁多磅呀!!^^依家阿鳳又參加左星期二果個減肥比賽!希望佢都可以拎到獎啦~~(ps:不過最好留番個冠軍比ivy拎啦~~)

黎緊要繼續忙星期二既減肥比賽,同埋聽日都要見一個尋日先約既網友仔~~(佢會黎鋪頭搵我呀!^^)希望可以幫到佢地啦~^_^