尋日個減肥比賽真係好開心呀~~因為...又聽到有好消息!!

係講好消息之前,我想提下一樣野,就係我既網友仔april已經正式黎左鋪頭度飲野啦~~(ps:不過呢排我病病地...黎緊要比個精神d既樣佢見到先得~><)希望黎緊可以見到佢瘦啦~^^

同埋尋日有個網友仔黎左鋪頭搵我呀!佢叫做veronica,係一個年紀好細既小妹妹!(ps:其實我地差幾年je!)

veronica睇落去唔算好肥架~因為佢本身有做開運動!不過一度身磅重了解左之後...就真係明白點解佢會想減!!

佢今日了解左之後,就買左番去用呀!(ps:因為佢係由烏溪沙黎搵我架!!真係好有心!!!因為佢唔可能日日黎鋪頭飲野,所以我都教左佢點樣番去用!!)希望黎緊我又可以見多一個朋友仔瘦啦~^_^

講番減肥比賽先!今次減肥比賽都收到好多好消息呀!^_^第一就係我既中學朋友仔減左0.1kg!(ps:其實佢呢排食左好多野架...不過都比佢瘦到!)

同埋唔知係咪一排冇見,我覺得佢個身型細左,同埋條腰好似出左好多呀!!真係希望佢可以減到最fit既狀態!!

第二樣,就係我一位之前用緊產品既網友仔puiyin,今次都黎左睇減肥比賽!其實puiyin本身之前一路都用產品減肥架~不過...因為自己既一d原因,佢放低左佢既減肥事業!!但係依家佢又回歸啦!希望呢個減肥比賽可以幫到佢更加有恆心去減肥啦~~

仲有呀~~~係大埔玩減肥比賽既網友仔ivy,佢係完左減肥比賽之後就打電話報告比我知,佢呢個星期減左1.8kg呀!!!仲成為左呢個星期減得最多既朋友仔呀!!!

哈哈~ivy認真起上黎真係唔講得笑呀!!我都講笑咁話:「哈~黎緊你仲訂埋其他產品番去用,比你用埋你咪仲減得多好多?!」希望真係幫到佢減到最fit最靚既狀態呀!^0^

ps:講少少今日既野先!今日阿婧同阿南黎左搵我呀!兩個小妹妹真係好勁!!一個減左1.5kg,一個減左2kg!!!真係超勁!!!仲要吋數都有減好多呀!真係估唔到佢地咁叻女!!^0^

呢排真係聽到好多好消息呀~~希望繼續聽多d好消息,等我繼續keep住咁開心啦~XDDD