呢幾日心情都唔錯呀~~因為...又聽到好消息啦~^0^

係講今日減肥比賽既好消息前,先報告下尋日幫阿盈度身既情況先!原本阿盈冇諗住自己會瘦到架!(ps:因為佢話自己食左好多野呀...)點知...佢竟然都瘦左磅數同吋數呀!仲要係度度都瘦左起碼一吋以上!!真係勁替佢開心呀!!^0^

你黎緊一定要再瘦多d呀!

講番減肥比賽先~今日大埔既減肥比賽真係好正呀!!!點解咁講??因為....今次所有既參實者,個個都有落磅呀!!竟然係冇人肥左wo!!真係超替佢地開心呀!!

仲要今次d朋友仔真係超勁...呢個又話瘦左1kg,果個又話瘦左2kg,真係聽到眼都突埋!!

最開心既係我既減肥網友仔ivy..佢減左1.6kg呀!!(ps:上次佢已經瘦左成1.8kg,仲要係果個星期既冠軍呀!今次都仲可以落到咁多磅,真係好勁!!!)

其實佢減得咁勁係有原因架...因為佢呢排食產品真係食到出神入化咁滯呀..(ps:佢好醒架...一黎就識得捉住d減得勁好既朋友仔,問人地點食點食就瘦到!仲要係配合左日常食野同埋飲水呀!!所以瘦到真係有原因架!!)

所以ivy自己都話,黎緊一定要再玩減肥比賽呀~因為個個星期都出黎度身,有人睇住實瘦到呀!!(哈哈~咁你要繼續參加啦~我想你減得好d呀!!XDD)

後記:係呀~ivy今日又整左曲奇餅比我食呀..(ps:雖然我知佢d奸計,其實係想整肥我,跟住就可以顯得佢冇咁肥lo~~)

哈哈~講笑je!其實又係好開心架~~真係好開心各位減肥既朋友仔都當我係好朋友,真係個個都對我好好架~^_^

其實我未食呀..唔知係咩味..不過之前ivy見我話中意食黑朱古力,所以佢就係blog度留言話要整黑朱古力既曲奇比我食呀!(所以我估係古古力味!!)

一見到已經唔捨得食啦..(不過為左唔好肥哂係自己度,我會好大方咁同我d屋企人分享既~~)

仲有呀仲有呀~我既另一個減肥朋友仔tammy,佢上星期黎搵我果陣,又拎左佢d親手整既曲奇比我食呀!(ps:終於明白...大家肥得黎都係有原因既~~~)

哈~都係講笑je!又係一個好感動既禮物呀!!^_^好多謝你地個個都咁有心呀~成日都咁為我諗!

係呀係呀~~仲要係度多謝阿盈比左d喉糖我食呀~我之前喉嚨唔係好舒服,佢就即刻比左成包糖我啦~~真係好多謝你咁錫我呀!(雖然我地識左一個月都冇!!)

應該仲有好多好多朋友仔對我好架..不過係度講唔哂架啦~黎緊再盡力幫你地減肥多謝你地啦~^0^