大家見我兩日都冇打過blog,就知我呢幾日真係忙到發癲啦...

因為鋪頭收到wifi既緣故,都回覆左一d朋友仔既留言(ps:好彩你地醒目,有d仲留埋電話ja..唔係我諗你地都唔知幾時先搵到我...)頭先一開msn,又有一個網友仔搵我求救,想搵我幫佢手減肥呀..@@

其實呢排d時間真係好緊呀..一來本身減緊既朋友仔,我係一定要佢地番黎度身,因為要確保佢地有效果!(唔係我真係寧願佢地唔好買啦...費事哂左自己d錢又哂左我既時間呀..我真係寧願幫d有心減肥同健康既朋友仔!!)

二來又一路都有新既朋友仔黎搵我...其實時間已經唔係好夠用啦..同埋又要顧下我男朋友同佢d朋友仔既進度...所以有d朋友都會知,我打少左電話比佢地跟進佢地既效果呀...(好彩kobie,kammy佢地都好乖,自動打電話黎報告情況呀!!)

不過我會承諾大家,會盡量抽時間同大家傾下電話見下面架啦~^_^

講番呢兩日既情況先~星期一果日本來應該唔係好忙架..不過因為我男朋友夜晚同d朋友有聚會,而其中有個朋友仲想用產品tim!所以佢一來想我見下佢d朋友,二來就係睇下佢個朋友係咪想問我野!所以...果晚開完會就去左打邊爐...(肥爆啦...但係好似冇咩人發現wo~~)

其實我本身唔係好中意主動sell人地用產品...總係覺得...熟既朋友仔,佢地想用產品就會出聲呀~(ps:除非佢有健康問題啦..咁我真係會好想佢地用產品呀!我有個中學同學都係呢個情況呀..真係好想佢快d用產品改善番個健康呀...@@)所以我全程其實係食多過講呀~~

但係佢d朋友都覺得佢瘦左好多呀~連d衫都變哂hip-hop衫,大件到我同佢都唔係好頂得順呀...(所以第二日佢都走左去買d新既衫褲lu~)依家佢既目標係減完之後要練大隻d呀~~黎緊又會比個新形象d朋友睇到~^_^

至於尋日既減肥比賽,我既中學同學仔雖然暴食左好多野,不過都竟然冇肥到wo@@""(要努力d呀!!><"")同埋尋日個減肥比賽好正呀~~請左個超pro,產品效果又好既健身教練黎講呀!佢仲要係個好靚既女仔tim!我今次聽完真係好想快d做運動幫手減肥呀!!(ps:佢幫d明星做健身,最平一堂都收500蚊架..唔係佢識到我地,用緊產品,佢唔會免費黎幫我地手教我地架..@@::)

佢教既野真係好實用呀~又教大家想減既地方應該點做!!我同我男朋友都學左好多野呀..之後大家仲圍住靚女姐姐問佢野tim!(真係唔好蝕呀..=v="")大家下次都要黎學野呀!!^_^

好~~~捱眼訓講埋今日!!今日阿盈同puiyin都黎左搵我度身呀!佢地兩個都各有飲食習慣要改呀...所以今次雖然都有瘦到,不過瘦得未夠理想呀..(因為我覺得佢地應該可以再好d!!)你地黎緊要加油呀!!><

一次過打哂幾日既野..可能真係長篇左d..不過我都捱住眼訓同大家分享啦...=v="

我已經留左電話比各位有心減肥既朋友仔架啦...麻煩你地自己打黎啦..or係我fb or e-mail再留言啦~因為聽日仲有好多野要做呀...(不過盡量都會keep打blog!><)