最近既我,真係覺得自己乖左好多呀~~~

點解咁講??因為我呢排真係食野食得小心好多呀~事關呢排真係想減番多少呀~~(有目標真係好快見效呀~~~呢排覺得下身果兩舊肉細左好多呀~~)

不過...今日就放縱左呀...因為...今日我地鋪頭搞一人一菜+生日會!

其實係我地鋪頭同埋d係度食野既客人,每人整一個餸過黎一齊搞大食會呀!我都係第一次join鋪頭呢個活動呀!

今次好多野食呀...d野多到食唔哂!!!我自己就整左個粟米吞拿魚生菜沙律!(最衰冇影相啦...我呢個大小姐真係冇乜幾可整野食架....今次我都忍唔住要讚下自己..真係整得唔錯架wo~~)

我只係整左一樣野食...但係就食左成10幾樣野呀..又有菜又有肉又有蛋糕!好多都係大家自己整既野食呀~~~真係好好味呀!!(我食左勁多野呀..聽日要好好地清洗番啦~~~)

下次再搞果陣又可以同大家一路減肥之餘,又一路食下野,真係唔錯呀~^0^

ps:係呀~~唔記得同大家講..最近有位網友仔黎左我地鋪頭食野呀!佢叫阿yin,係主動響我fb度留言話想減肥呀!(佢留左電話比我,話我可以打比佢..我地就係咁就見左面lu~~)

佢係因為生完小朋友肥左,所以就想減番去最fit既身型呀!同埋佢真係好有心架~~點解咁講??因為...佢係由沙頭角黎我地大埔呢度食野,食完餐之後又搭番車出去九龍番工呀!!

其實如果佢係度飲得好,我都鼓勵佢買d野番去用呀..因為佢唔係住附近,真係好怕佢好快冇左呢個恆心呀...(其實如果佢住得近既,佢日日黎飲我都好歡迎呀~因為佢都好健談,佢一講野,成間鋪頭d朋友仔都好開心呀!!)

點都好,希望可以幫到佢減肥成功,變番個又瘦又靚既媽咪啦~^0^

聽日會見到kobie呀~同埋阿敏佢地都可能會黎..希望見到佢地又瘦左啦~^_^