呢兩日都仲係好多野要做呀...所以又隔左一日先打BLOG!不過唔緊要啦~~我都仲記得有咩特別事要打既~

講番尋日先~尋日本來我應該要留係大埔既減肥比賽呀!不過...因為IVY呢個衰妹又唔得閒番黎...而本身我既中學同學仔又響尖沙咀既同一時間玩緊減肥比賽WO!為左盡個責任睇下佢減成點,我尋日就走左出去尖沙咀睇下我個FD有咩好消息同我講!

不過....佢竟然比左個壞消息我呀...因為...佢肥左呀~~~

其實通常肥左,一係用產品用得唔乖,一係就食野果度出事...聽佢講用產品果度應該問題唔大呀~但係我睇佢份餐單又好似冇咩問題咁WO....最後我都只係問左一個問題:「我諗你張餐單實係有好多野冇寫落去呀..如果照你食得咁清,產品又用得咁乖,係冇理由瘦唔到架WO?!」

之後佢就乖乖地咁講左一D佢「唔係好記得食左」既野比我聽(PS:我諗應該仲有架啦..不過因為佢唔係即刻寫低,所以好多都唔記得左啦...=V=""")

黎緊就係最後一堂既減肥比賽啦~你要加油呀!>0<"""

同場加映:呢日仲好難得咁約到我男朋友個同事上黎度身!其實佢用左都差唔多成個月啦..平時我要求D朋友7-10日度就要番黎度一次身,因為我要幫佢地做番個檢討,睇下佢地係咪真係瘦到呀!!

不過呢位朋友就唔係好乖啦..拖勁耐先黎度一次身...仲要比我知道佢有走去食M記同飲酒,又食宵夜同雪條果D...(其實我想講..好多減肥唔應該食既野佢都食哂啦...=V="""")

但係...佢都係呢個月減到2.5kg,個背脊減左4吋,腰同肚都減左2吋幾呀!!!!(唔乖都減咁多....如1乖真係不得了啦!!!>0<""")

黎緊佢都仲有最少60磅要減呀...佢承諾左我地,如果佢呢個月減到10磅,我地就送野獎勵佢!!但係如果佢減唔到...就要請我地食飯啦~~~(其實都係想鼓勵佢JE~希望唔洗佢真係請我地食啦~XDD)

講埋今日!今日有個15歲既妹妹黎搵我開始減肥啦~其實佢係早兩日我係街度識既朋友,佢叫做APRIL!

APRIL同我開頭一樣,又係著住校服番屋企果陣,識到介紹我減肥既果位朋友仔!所以同佢傾計都好有共鳴呀~希望可以幫到佢瘦身成功!^_^

PS:尋日係BLOG度打左關於我男朋友既減肥成果,又係FB度POST左佢張相..好似引起好大迴響咁WO...多左D人問我減肥既野,同埋FB都有人留言SUPPORT我男朋友繼續努力WO!

其實佢已經係我一個好成功既例子啦~希望佢快D去到最FIT既狀態啦~^^