經過左3個月...又係大家減肥比賽畢業既時間啦~~

雖然已經陪住咁多朋友仔經歷左咁多個減肥比賽...不過今次有少少唔同呀~~因為...今次我係要陪住一個識左超過十年既朋友一齊參加減肥比賽既畢業禮!!

其實個感覺係幾得意架~~因為當初一大班中學同學,睇住我由肥變瘦...今日反而就輪到我睇住我既好朋友減肥成功呀!(哈哈~我諗佢唔係好同意啦~~因為未減到自己理想體型!不過係我心目中,佢已經贏左初初減肥果陣既果個自己!!)

今日主要番黎係大家食下野傾下計,同埋知下呢次大家減肥比賽既結果係點!

係開始之前,我又捉左我男朋友周圍去介紹比人識!點解??大家唔好估錯呀~~我唔係周圍同人講佢係我男朋友呀!而係又介紹下佢既產品效果,同埋比佢減肥前後既相其他朋友睇!!

大家見到佢減肥前張相既反應...都係....「wa~~~~~」真係估唔到佢減肥前後係咁誇張!個個都讚佢後生左靚仔左呀~~(哈哈~大家想知係佢咪真係減得咁好??去睇番我早幾篇blog就知啦~~>我男朋友既減肥成果!)

食既過程就唔講太多啦~~(因為我都顧住食,都冇諗住影相啦~)直接同大家講下今次減肥比賽既結果啦~^_^

今次大家都好努力呀~~見大家同開頭減肥果陣都唔同左樣,個個都瘦左後生左呀!!

係頒大獎之前,各位有努力減磅既朋友仔,佢地都會有畢業證書呀~(ps:有個媽媽級既參加者..佢話咁大個女都未試過拎到證書呀!事關佢係冇讀過書架~~^0^)

我個fd話唔要出鏡wo~所以即刻幫佢打番格仔先得~XDDD(佢都拎到證書呀~^0^)

今次既獎會分番開男女子組,同埋有冠亞軍呀!

不過我頭先影唔到男子組亞軍果個呀...(其實佢都減得好勁呀!!><)比左個男子組冠軍既比大家睇先得~~^0^

今次得獎既係peter仔呀~佢係因為太太減肥,所以就開始用產品呀!佢太太係之前減肥比賽減吋數減得最多既朋友呀!!

同埋順便一提..peter除左減左磅,仲因為用產品而改善左個牛皮癬呀!真係好開心佢既健康同精神都唔同左~^_^

至於女子組方面...亞軍係一個叫mimi既朋友仔!

大家睇下後面果張相...左邊係佢之前個樣呀!真係差好遠!!(其實我都係第一次見佢開頭減肥個樣呀...唔影番相真係唔知佢之前原來真係咁肥!!!)

至於冠軍...就係估佢唔到既slivia呀!因為佢唔係好肥架ja...可能脂肪比例跌得多,所以就拎左冠軍!!佢仲好多謝佢既健康教練一路唔怕佢煩,成日打電話黎問野,所以令到佢減得咁好呀~^_^

其實仲有個減吋數最多既獎架~~果個就係冼太!(一陣大合照就有佢個樣呀~XDD)佢減左既吋數我就記得啦~係全身減左18吋!總共減左成20幾磅架!!

各位除左有證書,拎到第1,2名既仲有超市現金券呀!最少都有800-1000蚊呀!!(可以買好多野食啦~~~)

今屆又完左啦~~黎緊星期四我又要留番係大埔進行新一屆既減肥比賽!到時再同大家報告最新狀況!!^_^

後記:係呀~今日我既減肥朋友仔包包同vanessa都黎左鋪頭搵我!包包用左超過一年時間...so far都冇見佢肥到呀!而vanessa就已經減左over 20磅,仲要明顯見到佢既身型瘦左tim!我約左佢地黎緊聽個超勁既doctor(ps:佢係由台灣過黎架...係全球好有影響力既醫生...佢對體重管理同健康都好有研究呀!)所講既會!!希望佢地學到既野可以幫到佢地用產品用得更加好呀!

同埋阿盈聽日又會帶個朋友仔黎搵我,想我幫手減肥呀~希望聽日可以幫到佢地啦~^_^