襯有時間...我要拿拿聲係一日內清哂d blog佢呀!!(再咁拖落去...真係出年都未打哂...=v="所以都係打左先算~跟住第二日先出~~~~)

尖沙咀既減肥比賽...話咁快...仲有一個月就完啦....

其實在我黎講,個比賽好似開始左唔係好耐咁(ps:可能一黎都唔係成日見到大家啦..二來有d朋友仔既磅數都好多..所以都覺得見得佢地唔夠呀...要佢地再參加埋下一屆先得!)所以都唔想佢咁快完呀...><"

哈哈~咁諗真係好傻瓜呀~佢地唔洗參加既話,即係佢地已經減肥成功呀!梗係快d係比賽入面減完肥就最好啦~~~想見佢地既...就梗係要見佢地減完肥之後,係台上面比人嘉許佢地既成就!

好啦~講番早兩日既減肥比賽先!今個星期既比賽因為有幾個人有野做,番唔到黎,所以人數上比上次少左d..不過...都冇影響大家比賽既心情呀!大家仲好努力咁問我地d教練,點樣可以減得快d,同埋大家都好比心機問對方減成點,仲有用左d咩方法減得咁好呀!

我發覺...係呢個比賽入面,我男朋友既減肥動力真係越來越強呀!我估...可能真係有競爭先會有進步,佢真係越來越在意自己每個星期既減肥成果,唔會好似之前咁,食多左就算數呀!

其實係呢度真係要嘉許佢既堅持同動力呀~因為...由佢第一日開始減肥...直到參加減肥比賽...到左依家咁多個月...佢已經減左30磅啦!!真係成個人好似變左另一個人咁呀!!

呢個真係一個好大既震撼同成就呀!望住自己身邊既人可以有咁大既轉變.真係好開心呀!

好啦~講番呢日先!呢日大家係學下關於消化系統既知識!其實消化系統真係好緊要架...因為呢度係主管大家排毒同吸收既地方...如果搞唔掂...真係會令到減肥/增重都會慢好多!!

今次又學到野啦~~~~(係呀!我成日都覺得自己好好架~~參加減肥比賽既又唔係自己,只係負責睇住佢地既成果....但係又可以學到野wo!!所以做健康教練真係好幸福架~~~)

係呀~~~又有禮遇時間啦!今次我諗左個唔太難既「禮遇」!就係....請肥左既朋友仔唱一次「我是茶壺!」(ps;今次係要做埋動作架!!真係好多謝我地既mc阿力咁玩得...可以同我地示範一次!!)

因為我掛住笑既關係...所以都冇影到相啦~~~大家想知我地個減肥比賽有幾開心又有幾學到野既,下次就自己黎睇下啦~~