早幾日同我其中一個減肥朋友仔CARMEN傾計果陣,唔記得傾左D咩之後,我講左一句(PS:以下對話係大約既意思):「好彩你都好認真減肥,唔洗我咁勞氣!」

跟住CARMEN答左句:「下...乜減肥都要勞氣既咩???」

突然聽到呢句...好似有D呆左一呆...之後都答番佢:「係呀..因為有D人會用得唔乖,又或者唔認真,用下又HEA下,一時又話想減,一時又話唔減!」

CARMEN又答:「減肥係自己既事黎架嘛!佢地減唔到係佢地既損失JE!」

我都答番佢:「係呀..所以都已經慣左...依家只係想幫D有心減肥同埋想身體健康既朋友!」

CARMEN之後講左句令我好感動既說話:「佢地應該慶幸有個咁好既教練!」同埋又講左句:「你特登入黎元朗幫我,我唔可以令你失望!」

其實以上對話都係我大約記得打番出黎!(因為未問過人地,唔可以亂咁公開我地實際既對話呀!)不過....其實同CARMEN傾完計真係好開心呀...因為...我真係搵到一個好認真減肥同KEEP健康既朋友!

可能有D人會覺得:你賣產品WO!我幫左你JE!

但係...其實有時世事真係唔知邊個幫邊個....我當初同我自己既健康教練唔熟,都會覺得:你賺我錢,梗係會幫我啦!

不過識得耐左,大家做左朋友之後,就感受到呢個人係真心想幫自己,定係只係想賺錢!我既教練ANNA真係好好,其實依家佢真係當左我係女咁照顧呀!(PS:其實ANNA同我媽咪真係同年紀,我又真係同佢個仔一樣年紀WO!)

如果唔係佢幫左我,可能我仲會因為買唔到衫而唔開心...可能會因為人地話我肥而唔開心...可能會因為冇自信而唔開心....今日亦都唔會成就到其他人,幫到其他人更加FIT同健康!

所以....有時有D朋友仔對我有戒心,我都明白係正常既!(PS:明白還明白,都依然唔中意人地唔信我既...始終我真係冇諗住呃佢嘛!!!)

但係好慶幸...透過呢個BLOG同埋營養店,我都識到好多認真想減肥既朋友,同埋可以同佢地做到朋友呀!呢個真係我既BONUS!

係度要感謝我既教練改變左我既身型,亦都帶比我一個多采多姿既生活,令到我既人生唔同左!亦都要多謝一班願意將佢地既身型同健康交比我既朋友仔,令到我身邊多左好多好朋友!

其實除左CARMEN,我仲有好多好朋友架...阿婧,阿SA,OLI,IVY,仲有好多好多新識同識左好耐既朋友仔!(唔可以一一提哂你地既名...不過真係多謝你地透過一個陌生既市場都肯相信我呀!^_^)

PS:尋日收到IVY既TIRAMISU,真係好好味呀!好多謝你成日整野比我食呀!

我知大家都對我好好...其實你地就算咩都唔做,只係講一句多謝...我都已經好開心!真係希望除左幫到你地,仲可以多好多好多既朋友!^_^

突然太感觸TIM...(幫人幫得一段時間,就會多好多喜怒哀樂既事出現!@@)聽日再分享D開心野比大家知先得!