本來頭先10點幾果陣想打BLOG架...不過一班已經跟我減緊肥+一班未開始減,但係又想搵我幫手KEEP FIT既朋友仔係咁響FACEBOOK同MSN度轟炸(PS:應該係話,佢地極有誠意地想問我點樣減得更加好~~~)

所以為左同佢地傾計,傾到依家差唔多12點先開始打BLOG....(PS:其實仲未傾完架...不過傾多兩句我都要去沖涼啦~~聽日又要係營養店服務一班為健康加油既朋友仔,要為佢地準備好最好既早餐點午餐!!)

好啦~~講番正題先!其實呢排真係好多野做(再加埋懶...=v="")所以少左打blog呀...依家要打左最新鮮熱辣既野先!就係今晚既減肥比賽啦~

之前都有提過,大埔呢邊既減肥比賽,有我男朋友既媽咪參加左!所以我都會陪佢黎參加比賽呀!:)

其實佢媽咪參加減肥比賽,我係唔會賺到咩錢+唔會有咩好處架!(PS:不過...都可以學到多D減肥+健康資訊既~~)不過...因為有好多野就算係我講幾多次都好,可能係因為「阿仔女朋友」既身份...有時有D野一係就唔方便講太多,一係就講左都好,佢媽咪未必真係好入心...所以真係好需要佢係減肥比賽度學到多D野,加上聽下其他健康教練既意見,等佢減得好D!!

其實男朋友媽咪今次減得好好呀~雖然佢有少少唔舒服,不過都瘦左1.2KG,即係差唔多3磅呀!!

今次佢仲抽中左禮物呀!!(PS:因為唔知佢想唔想出鏡...所以要打番格仔先~XD)

中間果位就係今個星期既冠軍啦~~右手邊果位男士就係佢既健康教練,佢已經減左61磅架啦!!@@""(唔怪之得佢個參賽者都咁強啦~><)

不過我男朋友媽咪都承諾左,黎緊要贏到佢架啦~~大家要幫佢打打氣加加油呀!!