今日上BA堂果時(今日0既第一堂),發現掛0係我電話果度果隻SONY貓匙扣爛0左呀~!!!! 嗚嗚~~果匙扣本身係SONY貓攞住0左個蛋糕嫁,不過今朝返到學校發覺SONY貓攞住果隻蛋糕唔見0左呀..........好彩隻蛋糕跌0左係我隻袋入面0者,如果唔係就傷心死啦....你地都知市面上好少SONY貓0既產品嫁啦.......

今日上BA堂果時,唔知邊個將部風扇開到鬼死咁大風,宜家都已經係秋天啦,冬天都黎緊啦!!!搞到我鬼死咁凍喎(著住外套都feel到凍=__+")....BA今日仲係要敎新0野喎,唔可以發夢....不過又俾D風吹到好眼訓,搞到我今日不斷同睡魔對抗..........真係好痛苦呀~!!!!!!

到0左上ck堂果時.個死人ck sir 話俾我地知小測果D 0野,你地估0下係乜0野~我初時以為佢會話D "貼士"俾我地知啦,原來點知唔係喎..........佢淨係話俾我知果D小測題數!!!!佢話MC有十五題,短問答六選五,長問題三選二,要用一個鍾頭黎作答.佢唔好講笑啦~~咁多問題,一個鍾邊做得晒呀~~!!!叫佢去死啦~!!仲難過會考~~!!如果我會考OK 0既話都唔駛入黎讀IVE 啦~!!!!!

仲有,今日上CK堂果時,你地講果個男仔"handson"(唔記得0左佢個英文名點串....) 佢今日遲到0左半粒鍾先黎上堂(係最少半粒鍾),之後又掛住同隔離果個男仔傾謁喎,跟住俾阿ck sir 點0左名,要佢地其中一個人係下一堂做precent,講返CK NOTE 入面D內容(仲要係講未敎果D  0野).....因為阿SIR 講佢個中文名,所以唔知係唔係佢講呀(可能係佢側邊D朋友個中文名黎..)不過下一堂就知道係邊一個做precent啦~CCCCC

今日中午同淑玲,徐徐同姿人去食飯喎~!我地諗住去大家樂或者仙桃源度食lunch 啦~平時去果度都會經過一個公園(好似近D同無咁晒嫁),點知行到中途,淑玲突然之間大叫喎,我同徐徐初時都唔知發生乜事喎,跟住就見到姿人快速咁遠離淑玲.....之後我同徐徐走埋淑玲度問0下發生乜事啦,我開頭以為有塊樹葉跌落淑玲個頭度 ........原來淑玲個頭度多0左一隻小蜜蜂 ....CCCC..隻蜜蜂唔肯走喎(佢一定係好鍾意淑玲啦CCCC ) 跟住我用個筆袋趕走0左隻蜜蜂(大家都估唔到係我趕走0左隻蜜蜂le~~CCCC) 我係咪好勇敢呢CCCC 出名最怕昆蟲0既我...竟然會...可能係因為0岩0岩上完英文堂.上到有d神智不清先會咁做....因為係英文堂果時做0左好多listening & speaking ...(我係英文堂果時已經心不在弦,d 練習做錯晒...) 不過淑玲~~你都係唔好用呢一隻洗頭水啦~~如果唔係下次可能會引0左一隻大d 0既蜜蜂黎 cccc  ~~ 不過我今日先知原來你咁受昆蟲歡迎嫁 ccc 下次跟住你行,行係你側邊,咁就唔怕俾小飛蟲襲擊啦 ~~呵呵呵~~有淑玲係度真係好 ccccc

不過尋日真係好對唔住呀~!!!!賣甩0左你地 >__<" 真係唔好意思呀~~!!!淑玲~徐徐~姿人~~ 你睇0下我0既目光幾咁真諴~~!!!!你地原諒我啦!!!!! 我已經受到應得0既報應啦........就係阿媽今日返大陸去飲啦...唔知佢幾時返.....我諗最快都要一個星期...我每日都要靠杯麵維生.......我諗咁都算係懲罰掛..嗚嗚.....

嗚~~嗚~~好慘呀我~~~~尋日係星期五,唔知點解feel到特別累喎~~一返到屋企就食0野啦~~~然之後係四點幾就睇卡通片(唔係電視果D,係0係BT down 果D卡通片呀) 睇完卡通片之後都已經七點幾啦(因為有好多卡通片未要睇),之後受唔著睡魔0既誘惑,走0左去訓覺......點知一訓就訓到十二點幾..起身之後先開始食晚餐(經常係咁嫁),跟住阿媽俾0左一樽白蘭氏"蟲草"雞精俾我喎,佢話我唔夠營養喎,要我飲0左佢....我以為果樽0野同白蘭氏雞精果D味一樣味,然之後就開0左佢飲0左一啖,點知難飲到想嘔 ,又甜又咸又酸,再加埋D當歸味....我飲完一啖之後就唔想再飲,不過阿媽坐0左0係我前面,望著我,逼我飲晒佢(嗚~果陣時真係好慘呀~ )結果我同果樽白蘭氏蟲草雞精對峙0左二十幾分鍾......之後鼓起最大0既勇氣,一口氣飲晒佢.....然之後即刻去飲水......唔知你地有無飲過呢??大家千祈唔好買呢隻0野黎飲呀~~!!!真係好鬼死難飲嫁~!!!! 點知到0左今日0既三點七,阿媽又買0左D類似補品返黎.....今次係燕窩蟲草雞精........仲問我飲唔飲...傻0既!!經過尋晚0既事,你話我飲唔飲呀!!! 緊係唔飲啦~~~~~

今日真係好呀~~~遲返早放喎~兩點半就可以放學啦~呵呵呵~~!! 今日上CK堂果時~阿SIR見我地唔聽佢講0野,個樣超唔like喎.好似想殺人咁0既款喎.之後就對住我地講話宜家0既教書進度慢過原來0既進度喎.話要同我地補課....仲要係0係上完今日果堂CK之後果堂就即刻補課...(果段時間係我地食lunch嫁 雖然我諗住返屋企先食) 不過你地諗0下~~!!!!! 我唔駛食lunch 0者,大把人要食lunch 嫁...果個死人阿SIR都唔用0下佢個腦諗0野嫁!!!!  好採有人話俾佢聽話果段時要去食lunch 0者,佢先話算數,唔駛補課.....果條友都唔知係唔係玩0野嫁 成日都係咁,好心佢諗過先講出黎啦!!!!嚇死人嫁~~要連續對住佢兩粒鍾喎~一定悶死啦.....佢都唔知做乜嫁....仲好意思話唔夠時間講書喎~~由開學起直到宜家,佢一堂都無少過呀,仲話唔夠時間講書!!!我地數學無0左六粒鍾都唔駛補課啦(之前果幾個星期一放0左假)...去死啦!!!!好心佢自我撿討一0下啦!!!!上課講咁多廢話~~講多D書好過啦~~不過佢有講書同唔講無乜分別...我自己查字典好過啦,起碼我查完字典都會明D字點解啦~~~!!   唔得!!!!我要咀咒死佢呀~~~~!~~~!!!!

十月十三日 星期三 呢一日真係慘呀~~~係我撘輕鐵返黎果時,有一個阿婆推住一架bb車入0左黎輕果度,佢一入黎就即刻搵個位坐,之後.....之後....(諗番起都覺得好想 )果個阿婆竟然係眾目睽睽之下幫果個BB換尿片...........真係好鬼嘔心呀..係公眾場所之內.........做埋晒D咁0既0野.......我果日仲要未食午飯....諗住返到屋企先食飯...............見到D咁0既0野...真係唔駛食都已經飽0左啦...如果見多幾次呢d咁0既畫面,真係人都瘦多幾磅呀 CCCCC 有效0既減肥方法 CCC

十月十四日  星期四 呢一日終於要派數學小測卷啦~~~~果陣都不知幾緊張呀!! 因為都唔知自己羅唔羅到四十分呀.....一陣連四十分都無就死啦....連E都羅唔到...咁0既話就玩完啦....嗚~~~~好採我羅到八十二分0者~~~^__^ 不過下一次小測就唔知有無咁好採啦,下一次小測0既目標係四十一分 CCCCCCC 我係唔係好勁呢 CCCC

十月十五日  星期五  果一日就真係犀利呀~~我地班搞BBQ呀~~我地果日一點放學,但係果個BBQ 六點先開始... 開頭係度諗好唔好返屋企坐陣先去BBQ,不過諗落又好晒錢,又好麻煩喎,結果我都係返0左屋企.....到0左五點三果時,我就撘車出發啦~~去到蝴碟灣就開始BBQ,點知發現D食物好少.....我地有二十七個人,應該唔夠食,不過咁都算啦,諗住出黎現0下0者,識0下朋友咁,無乜所謂啦.不過點知原來我地班D女仔好鬼恐怖嫁,佢地講粗口講得好流暢...........(平時對佢地0既印象都幾好嫁.睇起身好鬼文靜..點知...) BBQ 完之後,我地全班去0左海灘度玩遊戲,點有一個女仔提出話叫我地一人講一句自己認為最勁0既粗口出黎........真係..好採最後無玩到0者...真係險呀!!如果唔係都唔知點算好呀....之後我地玩0左一D好無聊0既遊戲~~~本來都好後悔黎BBQ嫁啦...點知聽到我地主辦人阿Job講,我今次搞呢一個燒烤晚會0既目的係為0左追佢鍾意0既女仔,果個女仔一燒完烤就即刻走0左(我諗係俾阿Job嚇走0左) 阿Job仲同我地講宜家個女仔走0左,搞呢個燒烤晚會都無0左義意啦......真係...不過據聞果個女仔本身就已經有男朋友嫁啦....我諗佢都係無希望嫁啦 CCCC 不過我諗如果班果度再搞其他活動0既話我都唔會去嫁啦,前車可鑑呀~~!! D咁好0既活動,一次就夠啦..哈,,,,哈,,,哈....結果果日十二點幾先返到屋企...破0左有史以來最遲返屋企0既紀錄............

十月十六日  星期六  呢一日約0左恩,徐徐同淑玲去睇戲呀~~睇超級無敵掌門狗呀~~好好睇呀 果出戲~~尤其係果度果D兔呀~~~好鬼Cute呀~~~~我好想要呀~~~之後恩仲同我地講話陳呂十月三十一日係禮堂度開鬼屋呀~估唔到校長會批准喎,之前都無呢一D咁好0既活動呀,一走0左就...........唉~~~ 我果日想返學校睇0下呀~~不過果日係星期一 我放五點半,撘到番黎天水圍都已經六點幾啦,唔知去唔去到........  嗚~~我唔制呀~~呀~~~呀~~~

點呀~~首背景音樂好唔好聽呀 ?? 我好鍾意呢一首背景音樂嫁 仲有好多版本嫁,不過容量大過頭,做唔到背景音樂.........

唉~~~講起黎真係長篇.......話說阿哥佢買0左部電腦主機返黎....(大約四日之前) 我都唔知果舊0野係咪叫電腦主機.........部電腦由二十幾激變成八十幾激...本來都諗住好好嫁....不過點知阿哥一買0左果舊0野番黎就即刻換0左佢上去部電腦度.....不過佢乜都無搞過,淨係裝0左D game 係度(係俾佢自己玩嫁only)...部0野又無得上網...搞到我無得寫日記..又唔識換返舊果個主機落去喎..(大家都知我係電腦白痴黎嫁啦) 真係悶死我啦..果幾日仲要係我最早放學0既日子黎嫁~~!!!!  霸到電腦都無用~~~!!!!!果陣時我真係好 !!! 我要殺0左佢呀呀呀呀!!!!!!!!!!!!  我唔知你地明唔明我講緊D乜0野...我都唔知自己打緊D乜0野...不過我諗恩同JOEY 會明掛.....希望你地睇得明啦.........

等我寫返之前果幾日D 0野先

十月七日 星期五 : 上BA堂果時,阿SIR 話俾我地知 我地個時間表0既星期三果日會改時表 . 因為有人要求,要將BA堂調早D 之後阿SIR 就將BA堂調到去朝早0既八點半上(原本係四點半上嫁) 本來都覺得無乜0野嫁,仲覺得阿SIR調得好好添~~不過之後返到屋企先醒返起果時係我同徐徐全個星期入面唯一可以一齊食lunch 0既日子黎嫁 .. 調0左堂之後 我地就唔可以一齊食lunch啦......唉~!!! 真係慘~~大家都係讀埋同一間學校...唔同班都算啦....連lunch都唔可以一齊食....淨係有機會係轉堂果時見到面...感覺上我離你地好似越離越遠啦........

仲有呀 之前咪同你地講過話我上完數學堂果時,0岩0岩好撞到教徐徐0既英文MISS 入黎0既,佢叫我話俾我地班個班主任聽叫佢上完堂之後要擦番好個黑板先好走0既(唔知你地記唔記得) 我同阿SIR 講番之後,阿SIR 佢竟然話轉堂果時會有校工入黎擦黑版嫁喎,仲扮到好出奇0既樣,仲問我叫佢擦黑板果個MISS係邊個黎添呀..不過阿SIR講果D 0野都唔知係唔係真0既,我都無見過轉堂果時有校工黎擦黑板0既.....話唔定佢想昆我.....

 十月八日 星期六  其實呢一 日無乜好寫嫁 CCC 都係拜山0者 ~~~ 不過真係行到我好鬼累呀呀呀呀~~~~~~ 去0既時候都話可以截的士撘上去呀~~不過拜完山之後就要自己行返落黎....果度幾乎係山頂度喎....真係行到半死呀!!!!!  行到成身臭汗...一返到屋企就跑去沖涼(我地個個都爭住去沖涼.呵呵呵~~我爭WIN 0左 ) 之後就即刻衝0左去訓覺啦~~~

十月九日 星期日 呢一日真係慘~~!!!! 你地知唔知點解呀~~~因為聽日要測數學呀....嗚~~~嗚~~~  要溫書~呀呀呀~~~~ 仲係要用英文測....我平時數學都唔多好嫁啦,宜家仲要用英文測喎..我死0左佢好過啦.....開頭諗住點都要溫0下書,咪咁溫0下囉....點知都唔到半粒鍾.....我就支持唔住啦...之後就走0左去訓覺...去到夜晚先再睇過......不過睇完都好似無睇過咁...一D印象都無.....一句講晒~~~就係D 0野背唔上腦呀!!!!!!! 唯有聽天攸命啦...再唔係我就係舊擦膠度寫六個number ,做MC 題果時就用黎 CCCC   運氣好0既話 CCC 話唔定俾我估中D 答案 CCCC 不過MC 好似得五題...  我0既目標係要囉四十分 (0岩0岩合格)  CCCCCCCCCCCCCC 係咪好有大志呢~~~ 全份卷0既總分係一百分 CCCC  

十月十日 星期一 打0左成兩粒幾鍾,終於寫到今日0既0野啦~~ 呢一篇日記係咪好正呢~~夠晒長呀~ CCC 一次過將之前打唔到 又想講俾你地聽0既0野寫晒出黎~真係爽!!!!  你地慢慢睇啦! CCC 今日要數學小測啦~~~哇!!真係好緊張呀~~!事關我數學囉唔囉到E 就靠晒呢D 小測嫁啦~~~之前問過阿SIR 佢話如果想數學囉E,D小測就要合格喎,如果唔係就好危險..... 一見到份數學卷就好  點知睇真 D,原來果D題目好淺....搞到我擔心0左咁耐...原來....不過我都唔知自己會做0岩幾多(平時計數連抄題目都抄錯...)  我諗我最少都有四十分掛.........應該會合格0既.....可能...或者.... 不過阿SIR 話今次份卷會淺D,因為係第一次,所以出淺D....下次份卷就唔會咁簡單嫁啦............嗚~~~我唔想再測數學啦~~~

係喎~~我想問0下你地邊度有得DOWN 純音樂嫁 ???? CCCC 係咪覺得好累呢 ??睇0左咪多字 CCCCC 呵呵呵呵

yeah~~~!! 我今日收到新0既時間表啦~~呵呵呵~~真係好~!!唔駛返咁早呀~

唉!!話說..屋企有三個跑步球(專為D鼠鼠而設嫁CCC~~我係咪對D鼠鼠好好呢),今朝放0左三隻鼠鼠出街散步,我一返到屋企就諗住即刻洗頭同沖涼(平時好少咁早洗頭沖涼嫁,多數都係十一點果時先做) 沖完涼之後咪諗住放番D出去散步0既鼠鼠返籠度囉~初時都好順利嫁,去D鼠鼠平時訓覺0既地方度搵返佢地出黎.不過放0左三隻鼠鼠番去之後(其實係我自己以為放番返0左三隻鼠鼠返去啦.實際上只係放0左兩隻返去) 阿媽就問我:"仲有一個跑步球呢??" 我先知自己放溜0左一隻鼠鼠返去........ ..我搵直都搵唔到果個跑步球去0左邊喎,之後叫阿媽幫手搵.點知我地"搵雲"全間屋都搵唔到隻鼠鼠同個跑步球喎..果陣時真係好==> .....唔會掛!!!隻鼠鼠"連鼠帶跑步球"走0左佬!!!!!咁勁抽....之前養0左咁多隻鼠鼠都未發生過D咁0既事嫁喎......... 之後我地搵0左成粒鍾..............(隻鼠同個跑步球加埋值成百幾蚊嫁...)

 謎底終放開啦!!!!!!    原來佢跑0左0係個茶几後面.............(係細佬搵返隻鼠鼠出黎嫁) 一日都係果隻鼠唔好呀!!!果隻鼠鼠有前科呀~~!!越過獄三次咁多呀!!!!有一次仲走0左三十幾粒鍾先捉得返呀.............(果隻鼠鼠係小灰霸黎...全場最細粒果隻....) @Q@" 呼~~~搵到我頭都暈埋.....真係..我要禁固佢,唔俾佢出黎.為其三日,以作懲罰!!!!!!

點解好似無人黎我個日記版留言0既.........哇~~~!!今日ck堂果個阿sir真係勁.....八點半準時上堂,不過開機用電腦就用0左三十五分鍾先用到.......破0左有史以來0既記錄(開機最慢記錄...).........果陣時真係想殺0左佢!!!!!!(果陣時0既feel==> )好彩之後佢同我地講0左一個好消息,就係星期二0既ck堂會調堂.ck sir :"我都知你地日日都要咁早返,好辛苦嫁啦,所以我會將日星期二果堂ck堂調到晚d,咁你地咪唔駛咁辛苦囉,時間表星期一生效"聽完呢句話都不知幾感動呀 yeah~~!!!我終於幸到啦~~~不過只係星期二會調堂~~但係我地調堂對ck sir 都有好處嫁.(佢都唔想咁早返學呀0麻~~ccc) 就係咁,0既返學時間表就有所變啦  ccc  (五日入面要返八點半0既日子就淨抵三日啦.亦即係話我要六點半起身0既日子就得返三日啦)  呵呵呵呵

呢一個背景係咪好好多呢~~~~~?你地唔講我都知嫁啦~~!!!你地留意0下個背景,個背景多0左好多SONY貓~CCC~~~(由於受到太多人批評.尤其係陳恩欣...所以一搵到圖片就即刻改0左佢啦)  你地係咪好感動呢~~~CCC~~~~D音樂.......我個 日記版無音樂呀~~~~~~~~~!!!....都係......遲0下先.......算......

今日真係好呀 十點九先出門返學 CCCCC (一個星期先有一日係咁遲返嫁) 今日上英文堂上到一半0既時候(個個都就快 )突然之間有人開0左我地班房度門喎,之後就以極快速度關番度門,我地個個都以為係有人入錯班房啦.不過過0左半個鍾之後又有人開0左我地0既房門,又關番.跟住就見到我地個淨係識講英文同普通話0既MISS衝0左出去.我初都唔知發生乜事.落堂之後聽人講先知,原來0岩0岩有人開門放0左隻草蜢入黎我地班房果度呀 .........好彩我地無人坐係第一排果D坐度0者.. 如果唔係一定嚇死人呀!!!!!(我平時成日坐係果個坐果度嫁....呼~~~好險.. ) 如果有人坐係第一排果D位0既,一定會引起大亂嫁.......一日最衰都係果班中專0既學生啦~!!!!佢地自己早到喳,關我地乜事喎,以為放隻草蜢入黎我地就會早D走呀~~!!好難啦~~!!!! (我係咪好勇le cccccc)

今日係國慶.........哈哈哈.....真係一個好日子......哇哈哈哈........尋日舅父同表妹黎0左我地屋企呀,諗住同我地一齊過國慶節喎.....佢地今日同我阿媽一朝早就話去太平山行街WOW,結果今日佢地八點幾就出0左去啦.我當然唔會跟埋佢地一齊去啦,呢D咁好0既日子,緊係用黎訓覺同食0野啦,加埋要去到咁遠,傻0既先去呀.....不過佢地話今日好夜先返喎.........即係話今日0既午餐同晚餐都要自己解決啦........天呀~~~~咁我地今日點算呀~~!!我唔想食杯麵呀~~嗚~!!!我又唔識整0野食喎,又唔想晒錢去買M記食.......邊個過黎救0下我呀~~嗚......中午同夜晚果餐.......都食.....杯麵.........

之前聽淑玲講過話教我地BA果個阿SIR佢教人功課果時個"POST屎"好搞0野~~!我今日終於睇到啦.真係好搞0野呀.果個樣好似打坐咁款 CCCC 坐係我後面D女同學見到佢擺果個"POST屎"果時,即刻影   0左佢相喎,不過佢都好犀利喎,一路打坐,一路寫答案,隻腳震都無震一0下.厲害~~實在太厲害啦.我都要係屋企度試0下擺果個"POST屎"先~~!!

今日本來都幾開心嫁.....lunch可以同淑佢地一齊食0野......朝早又撞見徐徐.......不過到0左上CK堂果時就好慘啦........本來我地呢一堂要分組做project嫁.......三組五個人 其中一組六個人...我同詩韻&winnie一組,我地仲差兩個人先湊夠人數,咁未諗住等我班同學分完先囉..諗住點都會有兩個人多0左出黎..或者阿SIR見到我地唔夠人都會幫我地分組啦.點知我班同學分0左每六個人一組,搞到我果組得返三個人,之後阿SIR發現0左我地果組得三個人,佢咪諗住0係六個人一組D組搵一個人過黎我果組度囉.點知無一個人過黎喎........其實我地都覺得三個人一組都無所謂嫁.....咁都算啦...之後阿SIR仲叫我地揀一個人入我地果組度喎,搞到全班都用一D奇異0既目光望住我地...令到我地好尷尬呀....有一種'如果你揀我入你果組你就死'0既FEEL............結果最後我地同阿SIR講我地三個人一組就夠啦....結果之後我地組0既人數都係無改變,都係三個人一組.......不過因為阿SIR搞0左咁多0野,搞到我地好樣衰呀~~!!我越黎越憎CK堂果個阿SIR啦