今日要番課,起左身之後就食早餐,然後就出左門口

落車之後,竟然見到某間中學學校GE校巴,仲見到D舊同學TIM

到左學校之後,差d又比人捉,因為唔記得帶校章,好彩仲有一個後備GE係個書包到...

上到課室之後,整好D書,傾左一陣計就要落左集隊...講埋曬D廢話,校服要點,咩咩宣佈之類GE野,曬到死

終於講完,番番課室,涼番D,跟住又派通告,都唔知學校係咪痴線,10月中先陸運會,依家就派通告,低能

派完通告講完野之後就已過左第1堂lu,跟住連續2堂數學堂,個Miss佢有佢教書,我地就做功課同傳紙仔,因為實在太悶,但係個Miss又唔比傾計喎,所以就傳紙仔啦

跟住就係小息,去完次所之後又做過功課,過左小息,就係中文堂,今次話要作文,真係死比佢睇

最慘係要300字,又要即堂交,同埋要用3種修辭手法,真係煩,題目係'一次燒烤旅程',燒燒燒,燒佢個頭呀,自己發揮咪仲好

雖然個Miss好人,但係依家都幾憎佢,不過都算佢有d人性,比我地10分鍾食野

終於作好啦,交左出去就做其他野,到左12:15就lunch time,今日去左'台竹'食,d野都幾好食,又唔係好貴

食完行左一陣就番左去學校,第6堂同第8堂係地理同普通話,本身已經唔鍾意嫁啦,仲要係一個低能一個好惡ge老師教

不過第7堂都好d,'中屎',雖然我唔係好鍾意依堂,但係個老師好好人都埋佢係一個爛gag王,所以就無咁悶

放左學之後,就行番屋企,行行下先醒起今日要去拿書,又唔想行番轉頭,所以都係算,聽日先

番到屋企諗住去沖涼ge時候有人打黎,講左一陣就去左沖涼

跟住要溫地理d野,個老師話下堂會抽問喎,真係黑人憎呀,搞到我要溫書喎

今日都係咁無聊,睇番依d野,我覺得邊個老師教比你有興趣更重要,唉,真係慘,希望P.E個老師無咁惡啦