今日同平日一樣

起左身之後就去左刷牙.洗面食野等等

跟住,搭車番學

行到入學校門口,見到有幾個風紀係度

先記得今日要帶校章,所以就即刻帶番

入到學校之後,又做無聊野

有人扔紙巾,有人傾計,有人玩'飛標'

姐係用枝筆扔人果度,佢地仲變態到計分

點知有個Miss行左入黎我地班,其實係想提我地d F.1今日要落去集合

咁岩有人玩'飛標',仲飛左去個風扇(係開緊ge)

結果枝筆就飛黎飛黎,仲飛到去個同學個屁股到,好搞野,個Miss睇到啦

跟住就比人的左去教員室到比訓導主任罵

然後就喊感番出黎,真係慘,咁都比老師睇到(我都係聽佢地講)

跟住就上堂,第1,2堂,無聊加白痴野

通識,竟然要我地練習搬'台'搬'登,話要快過1A班喎

無聊到死,跟住第3堂中文,對住個老師都無心機,係就係好人,不過見到都無胃口

小休之後就係英文同地理,本來英文有個小測,好彩講廢話講曬時間,唔洗測

然後就食lunch,又去m記食,食完之後就去左影學生相

大約1點10分就番到學校,點名,講廢話等等

跟住就係社工黎講廢話,點知...唉,無個社工黎,變左做班主任堂

真係...'是福不是禍是禍擋不過'都係要小測,不過都唔係好難

小測完之後就上S.C驗室

不過,都係講廢話,竟然介紹逃生用品,佢有佢介紹,我地有我地ge做功課同訓教

終於放學啦,跟住買左小小野食就行番屋企,仲撞到讀TYPC ge小學同學Tim,不過佢唔理我

番到屋企,無野好做,因為S.C堂已經做曬功課.所有就訓教,訓左半個鍾就開電腦啦

今日就係咁啦,其實都無咩特別