噚日因為返到屋企已經差唔多10點嘅關係，又唔想咁晏仲開電腦，所以今日就寫返噚日嘅野啦。
海洋公園雖然已經去過好多次，但每次去嘅心情同發生嘅野都好唔同，就好似細個果陣，因為親戚參加咗啲唔知咩團，又可以帶自己嘅親戚去，所以就可以去到，睇嘅野都係啲大人喜歡睇嘅野，好似茶呀，集古街呀，但個陣時因為細個，所以去咗邊到都唔知，唔mind 啦。
但人嘅年齡會愈來愈大，心智亦會愈來愈成熟，所諗嘅野都會愈來愈唔同，就好似噚日咁，啲人愈叫我玩，我就愈唔想同佢玩個樣野，啲人問我係唔係唔夠膽，有膽就玩啦。佢愈咁同我講，我就愈唔想同佢玩，玩咩都唔想，冇mood 呀因為。
有好多人都講，如果有人問你有冇膽做/玩一啲野，通常都會有一種唔輸得嘅精神，然之後就去做/玩， 完全唔會去諗個後果。但我就唔會咁諗，有人問我一個問題，就算係一個好簡單嘅問題，我諗到嘅後果都會係死亡 (當然係一個最唔好嘅結果) ，好似有幾個人問我係唔係冇膽玩「瘋狂過山車」，我第一時間答咗佢，係呀! 係唔係唔得呀? 佢之後都冇野講，唔再問我。但人類係善忘嘅動物，到搵到野玩而我又係唔玩果陣，佢又會問我同一個問題，真係想即走呀，又唔知自己問過，問完又係會得返同一個答案，咁你問黎都冇用啦。唉!!! 如果有少年痴呆症就睇下醫生啦 (雖然我自己都有少少，但冇$ 呀，睇唔到醫生) 如果唔係自己就會做咗一個令人黑人僧嘅人物喇。
就俾你地睇下我喺今次影咗啲咩相啦
 上山之前一定要影一張相，仲要係喺海洋列車到影tim
 去到海洋公園第一樣野要做嘅就係要去海洋館，因為有冷氣嘛，哈哈
 行行下條長命斜，見到有個女表演者，佢做啲野真係令人好想笑架
 上咗纜車真係個個都唔出聲，所以大家都好得閒，就扮呢樣扮個野，我就扮咗神探伽俐略，一啲都唔似呀。哈哈
今次就講住咁多先啦
下次再講過 (有mood 嘅話)
|
