今日收咗班蘭葉，好多時用黎煲飯，今日不如用黎蒸糕！正

做糕材料：麵粉200g，沙糖200g，雞蛋5隻，雲呢拿粉1又1/2匙，班蘭汁200cc，牛油40g

制法：將雞蛋去売蛋後，搞打至起泡抹，加入沙糖，班蘭汁，雲呢拿粉，牛油再一起攪勻，然後慢慢倒入 麵粉一起攪勻至軟柔滑為

止，跟住隔水蒸30分鐘完成！！

跟着蒸底羅卜糕黎做早餐∼∼  羅卜糕材料：羅卜2斤，虾皮少許、粘米粉500cc，滾水500cc或600cc都可以

制法：將羅卜炮絲，虾皮一起炒，加少許鹽，臘肉爆一爆，裝起，，將粘米粉加入滾水攪勻，倒入盆內再加入已炒好既羅卜，虾皮攪勻，跟住隔水蒸30分鐘完成！ 班蘭椰汁糕材料：1班蘭葉、2羅米粉250克，

3粘米粉250克，4椰汁400ml ，5沙糖﹙自已歡喜既甜度﹚  制法：將2，3，加2滴油，將1，4攪碎攪勻、﹙隔渣唔要，爭要汁﹚之後加入5煮溶，之後將倒入2，3，攪勻，隔水蒸30分鐘完成！！

這3款糕點係黃太和屋企人既至愛糕點，簡單、好味！大家可以試吓∼∼