今日收咗班蘭葉，不如整底糕黎賀吓：各位母親：母親節快樂，身體健康.........睇吓我整呢底糕、靚、好食，真材實料.......

有拾層：拾全拾美

材料：1﹚糯米粉20克 ，2﹚粘米粉40克，3﹚木薯粉280克，4﹚沙糖280克，5﹚椰汁200克，6﹚班蘭葉10條

製作：將【班蘭葉】放落搞拌機加210克既水打成汁﹙渣唔要﹚跟住放﹙140克沙糖﹚煮溶、另外﹙140克沙糖﹚加椰汁煮溶，

冷却代用

將：1.2.3.放在一起搞勻﹙分成兩份﹚一份加「班蘭葉汁」，一份加「椰汁」，搞勻

首先將窩內的水煲滾，放下蒸盆，蒸格第一層淋上﹛班蘭葉汁﹜蒸3分鐘，第二層淋上椰汁，又蒸3分鐘........最後、最面果層就蒸20分鐘。完成！