今日終於都去左申請智能身分證，為左隆重其事，放左半日假，起身做左個mask，諗住精精神神去影反張靚相．．．

去到真係好快，無咩人，即刻攞籌填表，跟住就去打指模同影相啦．．．

影相既時候真係有ｄ影婚紗相既感覺，哈哈∼

個阿姐不斷講：

「個頭低反ｄ」

「對眼望過左邊少少」

「對眼再望反高少少」

「撥反條帶丫」

「整下ｄ頭髮，兩邊以家唔對稱」

「好啦，可以開始你既笑容啦」．．．

如是者終於影左兩張，個阿姐問我滿唔滿意，可以再影咁話。

我已經唔想再影啦，於是要左第二張，睇真ｄ，咁似何老太以前張身份證既。