其實有樣野隻豹一路唔係好想講比人知, 就係我好鍾意睇阿sa.........拿拿拿, 係鍾意睇咋, 唔係鍾意佢呀, 唔好同我講佢間公司有幾黑暗佢個人又點點點呀, 唔關我事架o個d野~!!

即係呢, 好似早排同鍾斯兩個人唔知去邊好諗住搵套戲睇下, 但又無咩想睇, 隻豹就簡左睇戲王之王, 鍾斯以為隻豹因為想睇阿詹.........其實係因為想睇阿sa咋.....

又好似前排又同鐘斯無所事事諗住去買隻dvd返屋企睇, 隻豹又簡左隻下一站天后, 就連鍾斯都覺得唔對路問點解........

哈哈.......其實唔止阿sa架, 隻豹仲鍾意睇宋慧喬, 楊丞琳, (以前既)張柏芝, 大小s, 舒淇......都係d可愛型, sweet型啦, ok, o個d可愛sweet係我自己個人覺得啦~!!!

當年人地睇流星花園係因為F4, 我完全係為左睇大S咋, 至於o個4條友, 完住係把鬼lor........最近睇惡魔在身邊, 轉角遇到愛, 其實都係覺得好把鬼.........

最近有次想買雜誌又唔知買邊本好, 見到有本樂基兒做封面就買左, 唔係對佢同呀黎生之間關係有興趣, 就只係因為鍾意睇樂基兒.......鍾斯當場係O晒咀lor.........

可能佢真係驚自己女朋友會太似一個金魚伯伯掛........