最近天氣忽冷忽熱, 攪到平日習慣早一晚就要諗定著咩衫, 唔係一定遲大到同出事既豹朝朝都好鬼哩hea。
今日溫度係17-22度, 但好鬼大風, 我覺得凍到似得14度。
難得都4月啦仲凍成o甘, 隻豹唯有向好方面諗, 咪當多d時間著下boot, 幾好丫.......
但又話說有隻懶醒既豹見早兩星期熱到成27-8度以為唔會再有凍返既一日, 掉鬼晒d著舊左既厚絲襪........
就係o甘, 今朝反轉個櫃眼見已經遲大到終於比我搵到一對唔知幾多年前買落既.........魚網絲襪, 諗住唔理啦都遲到啦快快出門口算啦。
返到公司, 一坐抵, 望到自己條魚網大比..................覺得自己今日個look完完全全就係一個著到姣C鄧篤既肥婆, 真係好鬼該煨........
今日收工一定要快D返屋企, 好怕比人以為隻豹臨老先想入花叢, 發老姣咩。
|
