番到香港啦~

第一日: 晨早番到學校聽miss lok吹水, 吹左好耐先上車...好眼訓呀, 過完關就搭車去漁女像, 無乜野睇, 但睇到崔尚宮... , 食午飯時竟然同mani發現到miss 同佢老豆, 笑死 ...然後再到澳門, 導游mary好搞笑, 又nice, 幾好喎lee個導遊...我地去左買左d野就去大三巴, 超靚呀個到, 個景好正, 好壯觀 ...之後搭車玩下生果[梅]就去到漁人碼頭, 我地去左食豬扒飽, 幾好食喎, 之後去番漁人碼頭, 竟然睇到火山爆發奇觀, 好靚, d火好warm呀! 之後去左影下相, 再去[訂]公仔, 我竟然win到一隻小小既公仔, 哈哈 ...澳門好好玩, 而且都幾靚呀! 可惜時間太短, 玩唔晒! 夜晚去左lion間房, 四條仔係間房吹水, 訓唔到基本上, 因為太迫啦, d手腳無位放呀...

第二日: 一早就參觀農科奇觀, 開頭參觀悶悶地, 係自由活動先多野玩, 又同左d動物影相, 隻小猴好得意好醒, 之後隻長臂猿猴好串, 個同學餵佢蕉, 佢竟然丟番出黎, 好好笑...農科都幾好玩, good ...午餐後去左參觀聯合國際學院, 都係另一條升學途徑, 再之後去左參觀國華發電廠, 都算做ok啦...入住酒店, 間酒店都幾正, 雖然第一晚間酒店唔錯, 但今晚間hotel仲正, 而且d夥食都ok~ d杯[面]無食到... 之後又去左人地間房, 我訓左先, 之後起番身, 點知, 同我同房個個同學番左房訓, 我無key番唔到入房, 玩到四五點大家都累, 我係人地房訓左...又係幾條仔一齊訓...oh~

第三日: 由於無乜點訓, 個人好呆, 但係個女導遊唔知痴左邊條線, 話咩傾計要出黎罰唱歌個d, lee d唔係導遊做架咩, 仲有佢做乜係度扮miss呀...無事呀?? lee個唔知姓乜既導遊亞姑真係痴上腦, 今日全日都係車中渡過, 因為搭左至少8個鐘頭車, 用左四個鐘去金林水鄉, 無野行加多蚊, 之後兩個鐘搭車去食午飯, 再搭數小時車去睇音樂噴泉, 開頭都ok, 後尾開始悶, 因為噴黎噴去都係咁噴...之後又番酒店, lee間好差, 估唔到last day先黎間咁差既酒店, 仲有人打黎問要唔要按摩, 拎正牌做雞呀真係...之後又去左人地間房, 但俾miss lok發現了 ... 開唔到P... 但終於可以早d訓, 1點幾訓左..

第4日: 去左明治雪糕廠, 食到香港未有得買既雪糕, 好好食呀個頭, 之後都ok既, 可惜無紀念品買...食飯個陣又講miss同佢老豆, 但唔記得左亞sir係側邊, 俾佢聽到晒, 超驚 ...之後去歡樂天地, 去左鬼屋, 超悶, 因為大部份都係機動, 無乜真人走出黎, 但都玩左幾耐, 耐過ocean park, 但就唔夠op好玩, 之後再玩碰碰車, 白痴既我一路自己撞自己, 因為唔識控制, 一真向後退, 完全無前全過...棄, 之後搭車回港啦, 終於可以訓番餐啦! 今晚我要訓啦. 但聽日又要補習, 唔想番呀! 好想睇番影左d相...