情緒指數及EQ指數持續維持係低位, 最近個人脾氣真係好暴燥....可能真係因為太熱啦(明明一日廿四小時有廿二個鍾係冷氣地方)

朝朝等的士望住個錶8點11已經等左3個未都仲未有車幾乎係搭地鐵都到左時, 個心就不斷爆粗+如果有人想打佔既話就送一個凌厲既怒啤....真係你有壓力我有壓力...信我, 我都好想做個禮讓既香港人...

每日同賤賓佢地講電話, 佢地假到爆時我又假到爆...

「有咩問題打比我啦, 我會即刻過黎...」(但我4號話你知有問題你到24號耍足我20日先肯過黎....)

「係啦係啦, 有咩問題就再搵你地啦, 唔該晒唔該晒, 等我送你上(路)...errr出門口啦...」妖, 連我都要假到o甘~

今日同瑪迪迪MSN, 無啦啦都鬧交, 不過算啦, 唉~

好想靜一靜, 好想靜靜地消失係世上, 最後灰飛煙滅...

如果可以....好想從來無存在過...從來都無我...