有個「八卦」 嘅同事喺office入伙前，話我哋啲房對正樓下嘅一個「針剎」，會對我哋嘅屋企人嘅身體不利。我就梗係唔信啦，風水通常只會對嗰個人不利嘅之嘛，點會害第三者喎？！件事就咁就不了了次。

就喺媽咪入院期間，我忽然諗番起呢件事。唔通我真係犯針剎？喺寧可信其有嘅情況下，我唯有依同事當時提出過嘅破解方法，喺對住針剎嘅地方放一塊砧板。

可能事出巧合，但就喺我放咗塊砧板次後，喺我同醫生negotiate俾媽咪出院嗰陣，一切非常順利。你都咪話唔驚？！

有時啲嘢，寧可信其有，只係做多少少嘢又何妨呢？