今日狂叫人睇我尋日打的《我與羅白的MSN的對戰》
但係岩岩上QOOZA睇,居然一個人都無黎,
超傷心,而且仲知道今日羅白無返,
佢上左去飲,星期六先返,
笨蛋羅白,又話聽日繼戰,
昆水呀!!!
你夠膽呃我,你死梗啦!!
洪學烜話我成日都問羅白,
肯定我中意羅白,
我諗佢岩D唔岩D啦,
我中意同羅白玩個陣,
呵呵......

我最近發現莊SIR佢係堂上狂講爛GAG,
又狂講佢D旅行史,
我真係好開心呀,
書可以唔聽,但係老師D私生活絕對唔可以唔聽,
因為隨時你會發現D老師,
其實都係一個大細佬,
話我八卦都好啦,
我真係好中意聽,
然後係網上面記落,
個種好多野寫又寫唔晒的感覺,
真係超正!!!!
其實今日莊SIR講佢的旅遊史,
我發現莊SIR其實好有米,
有米到好多地方佢都去過,
奧運個時佢仲去埋北京,
你話係咪真係真人不露相,露相嚇死人呢?
而且莊SIR個細佬係結左婚,仲有個仔嫁,
但係點解莊SIR仲未結婚,
到底係未有對象,
還是係有對象而且已經計劃緊?
其實我仲有一個問題,到底莊SIR係老過盧SIR呀,
定盧SIR老過莊SIR呢?
我好想問,真係好想問!