今日結業禮,覺得好似唔係好重要,

唔知點解我就好似當今日係一個好普通的日子,

點解呢?!

今日返到去8點上樓點名,

聽到陸sir話係班房點名,

但係蘇生就話係501B到點,咁咪跟左佢上去,

上樓梯個陣,停左一陣喳,

有個師兄好唔訓氣咁講「唔該借借!」

好似係我欠左佢咁,

唉..- -"

上左去501B,哈哈

特登坐係洪學烜隔離,因為個個位近男仔,

方便我聽佢地搞爛GAG,

之後MS LAM黎到,點名了!

再之後頒獎,YEAH!我拎到「八無」獎啊,

洪學烜話我爆冷喎,我話錯啦,

我不嬲都不冷不熱,係暖的,

呵呵..............

之後唔知點解無聊聊叫洪學烜靜雞雞咁拎羅白褲袋包紙巾,

拎左第一包之後,好彩無俾羅白發現,

但係之後再叫佢拎,

死人羅白發現左啊,都唔好玩O既,

之後又叫洪學烜拎羅白個袋,

羅白今次又唔發現喎,抄左個袋,

得支好特別的止汗劑之後,乜都無,

羅白你唔帶銀包嫁?都唔好玩O既,

跟住MS LAM派一張傳單,我問啲男仔要唔要,

佢地唔要,我要晒,哈哈....

無錢要搵秘撈,賣紙維生,

之後MS KWOK又派一張去觀塘遊樂場舉行的嘉年華飛,

我叫洪學烜俾我睇啫,之後唔知點解個個都俾晒我囉,

我話,我唔係咁等錢使,

跟住,MS LAM拎左一大袋薯片俾我地清晒佢,

哈哈....我最後勝利左一包蝦條,

幾勁呀!!*>V<*

之後完左班主任課,我地3A落操場,

未落到去我已經見到成班人等緊我地,

嘩..........好突出啊!

上到去,校長講好多野,

雖然我都無乜聽,但係都聽到重點,

最重要的係,佢要離開堅樂了,

雖然唔係第一次知,但係由佢親口講,

心情始終有點...- -"

之後最後,我地都知有兩個女老師都同黎校長一樣,

去退休,唉......話咁快,

老師們都老了,

但係MS LAM你唔會咁快退休嘛?

雖然你六十幾歲人,但係心老人唔老,

哈哈....