尋曰2點幾先訓,搞到今日諗住5點起身溫書都唔得,

6點10先俾阿媽叫醒,真失敗!

而且仲要未訓醒囉!

之後換完衫出門,一路上我都不斷放蚊,

唉.....超眼訓,

返到學校,見唔到馬仔,但係見到小肥同毛毛,

兩個「大男人」咁早返都唔知做咩?!

之後溫書,溫英文生字,

到考第一份卷個陣,英文生字寫錯左演繹法個繹字呀!

激死我啦!><"

最尾的第二題,我唔識做呀!

真係唔識做,點解我咁蠢呀!

但係開心我係我溫書溫到尤拉公式,

我諗3分入硬袋!YEAH!

之後MC卷,超多唔識做呀!

唉.....好麻煩!

考完MC之後,我要去MS WONG個陣小測,

測完走人,返屋企個陣,渾渾沌沌咁,

行步路都左搖右擺,成個醉酒佬咁,

返到屋企開電腦,本來諗住搵套戲睇,

但係又無好戲睇,之後搵到動漫「吸血鬼騎士」,

超好笑,^^但係睇睇下,我家姐話要玩跑online,

俾左佢玩,之後我落左去同阿嫲食M記,

食完返上黎,見到家姐繼續玩跑online,

佢玩左好耐之後,我可以繼續睇《吸》,

但係部衰機成日down,激到我狂爆粗,

我講過我唔會修電腦的,因為部機一down我就會狂爆粗,

唔理我身邊的係咪老師!