今日返學,又係帶左hello kitty遮,

又係無用到,- -"

去到天橋位,遇到妍妍,

因為佢今日有領袖面試,所以佢好緊張,

同我商量點樣講,之後返到學校,

上左課室,之後見到ms lam黎,

佢好似好唔開心咁,黑著臉><"

可能係因為病,搞到唔舒服,

落左去聽早會,公教搞話劇,

最中意就係寶君個句:「桃哥,我死也要同你一齊!」

(我記得好似係咁- -")

哈哈....珊珊仲勁,走音出場!

中文堂,又係朗讀,之後黎一個小小測,

英文堂,又有一個小測,

我真係勁呀!!我拎22/31

羅白拎18/31,

羅白你英文高過我嫁,唔好咁啦!

第二個小息,同曾浩去左見鄭太,

傾一陣EPA堂講的野,

電腦堂,原來下堂先測驗,

今堂繼續做上堂個份功課,

普通話堂,口試呀><""

考完,我知道已經死左啦!

午膳,見到師兄,

其實我想問的係,點解返黎一定要著PE衫?!

佢件衫仲要好黃好搶眼呀!!- -"

閱讀堂個陣,ms kwok寫黑板,

話聽日下午5點前要清晒locker!

我諗:「傻嫁!一日點清晒locker呀?唔好聽日先話我地聽?!」

唉.................

EPA堂,我組係第一team人報告,

報完後,鄭太話好欣賞寶君,

因為佢報告時好似新聞報導員咁,

勁呀!!!之後我都俾鄭太讚,

好開心呀!!^^

世史堂,又要默書,

默完,手軟了!!

放學,去左電腦室做功課,

做完,諗住同winnie一路打波一路得昕湉佢地落黎練舞,

但係閔閔同歡姐唔見左,我地聽日先練,

之後阿冼同樂樂都一齊打,

跟住阿沾問我點解仲打波唔溫書,

之後佢問我諗住揀咩科,我話揀理科,

佢叫我加油!!其實我好多謝佢咁樣鼓勵我,

因為我家姐都無咁鼓勵我- -"

之後打完波樂樂走左先,我就同winnie阿冼走,

我地去到翠榕樓樓下個到個陣,

有人掟隻雞蛋落黎呀!

我嚇到走左去簷下面,阿冼就大聲鬧個d掟雞蛋d人,

但係我地都唔知咩人,唉...

之後我地見到有警察,但係怕要落口供咁麻煩,

我地無同個個警察講呀,估唔到我平時大聲兼夾惡,

俾人掟一隻雞蛋就驚成咁,

我果然入世未深!!